ବଲାଙ୍ଗୀର: ଜିଲ୍ଲା ସଇଁତଳା ବ୍ଲକ ଅଧିନସ୍ଥ କଅସର ଗ୍ରାମରୁ କଲରାପତରିଆ ବାଘ ଛାଲ ଜବତ କଲା ବନ ବିଭାଗ । ବଲାଙ୍ଗୀର ଡିଏଫଓ ସମୀର ଶତପଥୀଙ୍କ ନେତୃତ୍ବରେ ସ୍ବତନ୍ତ୍ର ଓ୍ବାର୍ଡ ଗଠନ କରାଯାଇ ସଇଁତଳା ବ୍ଲକ କଅସର ଗ୍ରାମର ବିଶ୍ଵାମିତ୍ର ରଣାଙ୍କ ଘରେ ଚଢାଉ କରାଯାଇଥିଲା।
କଲରା ପତରିଆ ବାଘ ଛାଲ ଜବତ, ଜଣେ ଗିରଫ
ତେବେ ଜବତ ବାଘ ଛାଲର ଲମ୍ବ ୨.୬ ଫୁଟ ଥିବାବେଳେ ଓଜନ ପ୍ରାୟ ୩ କେଜି ରହିଛି । ଏବଂ ଏହାର ବଜାର ମୂଲ୍ୟ ପାଖାପାଖି ୧ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି । ସେପଟେ ବାଘର ଛାଲରୁ ଏବେବି ଆଦ୍ରତା ଥିବାରୁ ୧୨ ରୁ ୧୫ ଦିନ ଭିତରେ ବାଘକୁ ହତ୍ୟା କରାଯାଇଥିବା ବନ ବିଭାଗ ପକ୍ଷରୁ କୁହାଯାଇଛି । ସେହିପରି ଏହି ମାମଲାରେ ବନ ବିଭାଗ ଜଣକୁ ଗିରଫ କରି ଅଧିକ ତଦନ୍ତ ଜାରି ରଖି ଥିବାର ଜଣାପଡ଼ିଛି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
