ବଲାଙ୍ଗୀର: ଜିଲ୍ଲାର ରାଜେନ୍ଦ୍ର ବିଶ୍ବବିଦ୍ୟାଳୟରେ ପାଠ ପଢ଼ୁଥିବା ସମସ୍ତ ସମନ୍ବିତ ବିଇଡି ଓ ଏମ୍ଇଡି ଛାତ୍ରଛାତ୍ରୀଙ୍କ ମଙ୍ଗଳବାର ବିଭିନ୍ନ ଦାବି ନେଇ କଲେଜ ସମ୍ମୁଖରେ ଧାରଣା ଦେଇଛନ୍ତି ।
ତେବେ ଏମାନଙ୍କୁ ଶିକ୍ଷକତା ପାଇଁ ରାଜ୍ୟରେ ଆବଶ୍ୟକ ପଡୁଥିବା ସବୁ ପରୀକ୍ଷାରୁ ବାଦ୍ ଦିଆଯାଇଥିବାରୁ ଛାତ୍ରଛାତ୍ରୀ ଆନ୍ଦୋଳନ କରୁଛନ୍ତି । ଏହାସହ ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନ ଆହୁରି ତୀବ୍ର କରିବେ ବୋଲି ଚେତାବନୀ ଦେଇଛନ୍ତି ।
ଛାତ୍ରଛାତ୍ରୀ ପଢ଼ୁଥିବା ସମନ୍ବିତ ବିଇଡି ଓ ଏମ୍ଇଡି ପାଠ୍ୟକ୍ରମ ଓଡିଶା ସରକାରଙ୍କ ଦ୍ବାରା ସ୍ବୀକୃତିପ୍ରାପ୍ତ ହୋଇଥିବାବେଳେ ରାଜ୍ୟ ସରକାରଙ୍କ ବିଇଡି ଓ ଏମ୍ଇଡି ପାଠ୍ୟ ଖସଡ଼ା ସହିତ ସମାନ ଅଟେ । ତେବେ ଏମାନଙ୍କୁ ରାଜ୍ୟ ସରକାରଙ୍କ ଶିକ୍ଷକ ପଦବୀ ଟିଜିଟିଓ ପିଜିଟି ପଦବୀ ପାଇଁ ଆବଶ୍ୟକ ପଡୁଥିବା ପ୍ରବେଶିକା ପରିକ୍ଷା ଓଟିଇଟି, ଓଏସଏସଟିଇଟି, ସିଟିଇଟି ପରୀକ୍ଷା ଦେବାରୁ ଅଯୋଗ୍ୟ କରାଯାଇଛି । ଯାହାକୁ ନେଇ ଛାତ୍ରଛାତ୍ରୀ ତୀବ୍ର ବିରୋଧ କରିଛନ୍ତି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ୍, ଇଟିଭି ଭାରତ
