ବଲାଙ୍ଗୀର: ଦେଶର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଆଇଏନ୍ଏସ ବିକ୍ରାନ୍ତ ଯୁଦ୍ଧପୋତରେ ଛୁଟି କାଟିବାକୁ ନେଇ ସାଧାରଣ ନିର୍ବାଚନ ପୂର୍ବରୁ ପ୍ରସଙ୍ଗଟି ଜୋର ଧରିଥିଲା । ତେବେ ଏହାକୁ ନେଇ ମିଳିଥିବା ସୂଚନା ଅନୁସାରେ ଭାରତୀୟ ସେନା ମୁଖ୍ୟାଳୟରେ ସେମିତି କିଛି ତଥ୍ୟ ନାହିଁ ।
ଅର୍ଥାତ୍ ବିନା କୌଣସି ଆଧାରରେ ଏହି କଥା କୁହାଯାଇଥିବାର ଓ ଜଣେ ପୂର୍ବତନ ପ୍ରଧାନମନ୍ତ୍ରୀଙ୍କୁ ବଦନାମ୍ କରିବା ଉଚିତ୍ ନାହିଁ ବୋଲି ସୂଚନା କର୍ମୀ କହିଛନ୍ତି । ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଆଇ ଏନ୍ ଏସ ବିକ୍ରାନ୍ତ୍ ଯୁଦ୍ଧ ପୋତରେ ପରିବାର ସହ ଛୁଟି କାଟିବାକୁ ନେଇ ସାଧାରଣ ନିର୍ବାଚନ ପୂର୍ବରୁ ଚର୍ଚ୍ଚା ଜୋର ଧରିଥିଲା ।
ବଲାଙ୍ଗୀରର ସୂଚନା ଅଧିକାର କର୍ମୀ ହେମନ୍ତ ପଣ୍ଡା ଭାରତୀୟ ସେନା ମୁଖ୍ୟାଳୟ ତଥା ନୌସେନା ବିଭାଗକୁ ସୂଚନା ମାଗିଥିଲେ । ଯେଉଁଥିରେ ଏହି ବିଭାଗରେ ସେମିତି କୌଣସି ତଥ୍ୟ ନାହିଁ ବୋଲି ସ୍ପଷ୍ଟ କରିଛି ।
ତେବେ ନିର୍ବାଚନ ପୂର୍ବରୁ ବିଜେପି ଏଭଳି ଅଭିଯୋଗ ଆଣିଥିବା ବେଳେ ବିନା କୌଣସି ଆଧାର ରେ ଜଣେ ପ୍ରଧାନମନ୍ତ୍ରୀଙ୍କୁ ବଦନାମ୍ କରିବା ଉଚିତ୍ ନାହିଁ ବୋଲି ସୂଚନା କର୍ମୀ କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
