ବଲାଙ୍ଗୀର: ଅଗ୍ନିକାଣ୍ଡରେ ଦୁଇଟି ଦୋକାନ ଭଷ୍ମୀଭୂତ । ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ଅଭିଯୋଗ । ବଲାଙ୍ଗିର ଆଜି ଏକ ଭୟାବହ ଅଗ୍ନିକାଣ୍ଡରେ ଦୁଇଟି ଦୋକାନ ଜଳି ଯାଇଛି। ଯେଉଁଥିରେ ଲକ୍ଷାଧିକ ଟଙ୍କାର ସମ୍ପତ୍ତି ଜଳି ନଷ୍ଟ ହୋଇଛି।
ନିଆଁରେ ଜଳିଗଲା 2 ଦୋକାନ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ
ବଲାଙ୍ଗୀର କଣ୍ଟାବାଞ୍ଜି ସହର ମଧ୍ୟରେ ଏହି ଘଟଣା ଘଟିଛି । ତେବେ କଣ୍ଟାବାଞ୍ଜି ସହର ମଧ୍ୟରେ ଥିବା ଏକ ଶାଢ଼ୀ ଦୋକାନ ଓ ଏକ ସିଲେଇ ଦୋକାନରେ ଆଜି ଭୋରରେ ଏହି ଅଗ୍ନିକାଣ୍ଡ ଘଟିଥିଲା।
ଯାହାର ଖବର ଲୋକେ ଅଗ୍ନିଶମ ବିଭାଗକୁ ଦେବା ପରେ କଣ୍ଟାବାଞ୍ଜି ଅଗ୍ନିଶମ ବିଭାଗ ଘଟଣାସ୍ଥଳକୁ ଆସି ନିଆଁକୁ ଆୟତ୍ତ କରିଥିଲେ। ତେବେ ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ଜଳି ନଷ୍ଟ ହୋଇଥିବାର ଅନୁମାନ କରାଯାଇଥିବା ବେଳେ ବିଦ୍ୟୁତ୍ ସର୍ଟସର୍କିଟ ଯୋଗୁଁ ଏହା ଘଟିଥିବାର ଅନୁମାନ କରାଯାଇଛି।
ବଲାଙ୍ଗୀରରୁ ସୈଖ ମହମ୍ମଦ ୱାହିଦ, ଇଟିଭି ଭାରତ
