ବଲାଙ୍ଗୀର: କୋରୋନାରେ ପ୍ରାଣ ହରାଇଲେ ପୁଣି ଜଣେ କରୋନା ଯୋଦ୍ଧା । କରୋନା ସଂକ୍ରମଣରେ ବଲାଙ୍ଗୀର ଜିଲ୍ଲା ଅବକାରୀ ବିଭାଗର ଏସ୍ଆଇ ବଳରାମ ସାହୁଙ୍କ ଦେହାନ୍ତ ହୋଇଛି। ସେ କିଛି ଦିନ ତଳେ ଅସୁସ୍ଥ ହୋଇ ହସ୍ପିଟାଲରେ ଭର୍ତ୍ତି ହୋଇଥିଲ । ପରେ ସେ କୋଭିଡ ପଜିଟିଭି ଜଣା ପଡିବା ପରେ ତାଙ୍କୁ ବଲାଙ୍ଗୀର କିମସ କୋଭିଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ବରର ସମ୍ ହସପିଟାଲକୁ ସ୍ଥାନାନ୍ତର କରାଯାଇଥିଲା ।
ସେଠାରେ ଆଜି ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି। ତେବେ ମୃତ୍ୟୁ ବେଳକୁ ତାଙ୍କୁ ୫୯ ବର୍ଷ ବୟସ ହେଉଥିଲା। ସ୍ୱର୍ଗତ ସାହୁ କଳାହାଣ୍ଡି ଜିଲ୍ଲା ନର୍ଲା ରୋଡ଼ ଠାରେ ଅବକାରୀ ଏସ୍ଆଇ ଭାବେ କାର୍ଯ୍ୟରତ ଥିଲେ । ସେ ଜଣେ ଧାର୍ମିକ, ପରୋପକାରୀ ତଥା ଆଦର୍ଶ ବ୍ୟକ୍ତି ଭାବରେ ସ୍ଥାନୀୟ ଅଞ୍ଚଳରେ ବେସ ଲୋକ ପ୍ରିୟ ଥିଲେ । ତାଙ୍କ ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକରେ ଛାୟା ଖେଳିଯାଉଇଛି । କୋଭିଡ ଗାଇଡଲାଇନ ଅନୁଷାରେ ତାଙ୍କ ଶେଷକୃତ ଭୁବନେଶ୍ବରରେ ହିଁ ହେବ । କିଛି ଦିନତଳେ ବଲାଙ୍ଗୀର ପୋଲିସ କୋଭିଡ ନିୟନ୍ତ୍ରଣ ସେଲ ଦାଇତ୍ବରେ ଥିବା ବିଜୟା ନନ୍ଦ କର୍କରାଙ୍କର ମଧ୍ୟ ମୃତ୍ୟୁ ହୋଇଥିଲା ।
ବଲାଙ୍ଗୀରରୁ ଏସକେ ମହମ୍ମଦ ଓ୍ବାହିଦ, ଇଟିଭି ଭାରତ
