ବଲାଙ୍ଗୀର: ସୋମବାର ତିନୋଟି ସ୍ବତନ୍ତ୍ର ଟ୍ରେନ ଯୋଗେ ବଲାଙ୍ଗୀରରେ ପହଞ୍ଚିବେ ପ୍ରବାସୀ ଶ୍ରମିକ । ଏଥିପାଇଁ ସୋମବାର ପୁଣି କର୍ଫ୍ୟୁ ଲାଗିବ ବୋଲି ସୂଚନା ଦେଇଛି ଜିଲ୍ଲା ପ୍ରଶାସନ । ସକାଳ 5ଟାରେ ଆନ୍ଧ୍ରପ୍ରଦେଶ ବିଶାଖାପାଟନମ୍ରୁ ସ୍ବତନ୍ତ୍ର ଟ୍ରେନ ବଲାଙ୍ଗୀର ଆସି ପହଞ୍ଚିବାର ଥିବା ବେଳେ ଦିନ 1ଟାରେ ଗୁଜୁରାଟ ରାଜକୋଟରୁ ଅନ୍ୟ ଏକ ସ୍ବତନ୍ତ୍ର ଟ୍ରେନ ଆସି ପହଞ୍ଚିବାର ଯୋଜନା ରହିଛି ।
ସେହିପରି ସନ୍ଧ୍ୟାରେ ତାମିଲନାଡୁ ଥେରୁବାଲିରୁ ଏକ ଟ୍ରେନ ଆସି ପହଞ୍ଚିବ । ଏହି 3ଟି ଟ୍ରେନରେ ଆସିବାକୁ ଥିବା ପ୍ରବାସୀଙ୍କ ପାଇଁ ପ୍ରଶାସନ ସମସ୍ତ ପ୍ରସ୍ତୁତି କରିଥିବା କହିଛି । ଏନେଇ ସୋମବାର ସକାଳ 4ଟାରୁ ରାତି 11ଟା ପର୍ଯ୍ୟନ୍ତ ସହରର କିଛି ଅଞ୍ଚଳରେ କର୍ଫ୍ୟୁ ଲାଗିବ ବୋଲି ଜଣାପଡିଛି । ଯେଉଁଥିରେ ରେଳଷ୍ଟେସନରୁ ବେହେରପଳି ସୁଡ଼ପଦଠାରୁ ପୁଇଁନ୍ତାଲା ରୋଡ଼, ରେଳଷ୍ଟେସନରୁ ଭାଗିରଥୀ ଛକ ଓ କୋଶଳ ଛକ, ସନ୍ତିପଡ଼ାରୁ ସଦେଇପାଲି ଛତା ମାଖନା ଓ ରେଳଷ୍ଟେସନରୁ ଆରଟିଓ ଛକ ରାସ୍ତାରେ କର୍ଫ୍ୟୁ ଲାଗିବା ନେଇ ସୂଚନା ରହିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
