ବଲାଙ୍ଗୀର: ନୂଆଁଖାଇ ପାଇଁ ଚଳଚଞ୍ଚଳ ହୋଇଉଠିଥିଲା ସାରା ପଶ୍ଚିମ ଓଡିଶା । ସମସ୍ତେ ନିଜ ପରିବାର ସହ ପାଳିଛନ୍ତି ନୂଆଁଖାଇ । ଏପରିକି ଓଡିଶାର ମୁଖ୍ୟ ଶାସନ ସଚିବ ମଧ୍ୟ ନିଜ ଜନ୍ମ ମାଟିକୁ ଯାଇ ନୂଆଁଖାଇ ପାଳନ କରିବା ସହ ସମସ୍ତଙ୍କୁ ନୂଆଁଖାଇ ଶୁଭେଚ୍ଛା ଜଣାଇଛନ୍ତି ।
ନୂଆଁଖାଇ ସମଗ୍ର ପଶ୍ଚିମ ଓଡିଶାବାସୀଙ୍କ ପାଇଁ ଖୁବ ମହତ୍ତ୍ବ ରଖୁଥିବାରୁ ଏହାକୁ ଅତି ଧୂମଧାମରେ ପାଳନ କରିଛନ୍ତି ଲୋକେ । ଏହି ଅବସରରେ ଦେଶ ବିଦେଶ ଯିଏ ଯେଉଁଠି ଥାଉ ନା କାହିଁକି ନିଜ ଘରକୁ ଫେରି ପରିବାର ସହିତ ମିଳିମିଶି ନୂଆ ଖାଇଥାଏ । ଏପରିକି ଓଡିଶା ମୁଖ୍ୟ ଶାସନ ସଚିବ ମଧ୍ୟ ନିଜ ଜନ୍ମମାଟି ବଲାଙ୍ଗୀରକୁ ଫେରି ନୂଆଁଖାଇ ପାଳନ କରିଛନ୍ତି।
ଓଡିଶା ମୁଖ୍ୟ ଶାସନ ସଚିବ ତଥା ବରିଷ୍ଠ ଆଇଏଏସ ଅଧିକାରୀ ଅସିତ କୁମାର ତ୍ରିପାଠୀ ବଲାଙ୍ଗୀର ଜିଲ୍ଲା ଟିଟିଲାଗଡ଼ର ବାସିନ୍ଦା । ତେବେ ମୁଖ୍ୟ ଶାସନ ସଚିବ ପଦବୀ ପାଇବା ପରେ ସେ ନିଜ ଜନ୍ମସ୍ଥାନକୁ ଫେରି ନୂଆଁଖାଇ ପାଳନ କରିବାର ସୁଯୋଗ ପାଇଛନ୍ତି। ଏହି ନୂଆଁଖାଇ ପର୍ବ ଅତି ଅମୂଲ୍ୟ ହୋଇଥିବା ବେଳେ ସବୁ ବର୍ଗର ଲୋକେ ଏହାକୁ ପାଳନ କରିଥାନ୍ତି ବୋଲି ସେ କହିଛନ୍ତି । ସେହିପରି ସେ ସମସ୍ତଙ୍କୁ ନୂଆଁଖାଇ ପାଇଁ ଶୁଭେଚ୍ଛା ଜଣାଇଛନ୍ତି।
ବଲାଙ୍ଗୀରରୁ ଶେଖ ମହମ୍ମହ ୱାହିଦ, ଇଟିଭି ଭାରତ
