ବଲାଙ୍ଗୀର: ସରକାର ଓ ବସ ମାଲିକ ସଙ୍ଘ ବୈଠକ ପରେ ରାଜ୍ୟରେ ଆଜି ବସ୍ ଗଡ଼ିଛି । ହେଲେ ବଲାଙ୍ଗୀରରେ ବସ୍ ଗଡି ପାରିନାହିଁ । ଆଗାମୀ 1 ତାରିଖ ପୂର୍ବରୁ ଏଠି ବସ ଗଡିବ ନାହିଁ ବୋଲି ଜଣାପଡ଼ିଛି।
ସରକାର ଓ ବସ ମାଲିକ ସଙ୍ଘ ବୈଠକ ପରେ ରାଜ୍ୟରେ ଆଜି ବସ ଗଡ଼ିଛି ହେଲେ ବଲାଙ୍ଗୀରରେ ଏହାର ବ୍ୟତିକ୍ରମ ଦେଖିବାକୁ ମିଳିଛି । ଯେଉଁଥିରେ ଆଜି ବଲାଙ୍ଗୀରରେ ବସ ଗଡି ପାରିନାହିଁ। ତେବେ ଏଠିକାର ସବୁ ବସ ସରକାରଙ୍କ କୋଭିଡ କାର୍ଯ୍ୟରେ ନିୟୋଜିତ ହୋଇ ପ୍ରବାସୀ ଶ୍ରମିକଙ୍କୁ ନେବା ଆଣିବା କାର୍ଯ୍ୟରେ ନିୟୋଜିତ ଅଛି । ସେହିପରି ଯାହା ବସ ଅଛି ସେ ସବୁରେ କର୍ମଚାରୀ ନଥିବା ମଧ୍ୟ ସମସ୍ୟା ହୋଇଛି ।
ସମାନ ଭାବରେ ବସରେ ନେଲା ଭଳି ଯାତ୍ରୀ ହେଉନଥିବା ବେଳେ କ୍ଷତି ସହି ବସ ଚଳାଇବା ସମ୍ଭବ ନୁହେଁ ବୋଲି ଏଠିକାର ବସ ମାଲିକ ସଂଘ କହିଛି । ତେବେ ଆସନ୍ତାକାଲି ବଲାଙ୍ଗୀର ବସ ମାଲିକ ସଂଘର ବୈଠକ ବସିବ ଏବଂ ଆସନ୍ତା 1 ତାରିଖ ପରେ ଏଠି ବସ ଚଳାଇବା ପାଇଁ ନିଷ୍ପତ୍ତି ନିଆଯିବ ବୋଲି ବସ୍ ମାଲିକ ସଂଘ ପକ୍ଷରୁ କୁହାଯାଇଛି । ତେବେ ଶେଷ ନିଷ୍ପତ୍ତି ଅନୁସାରେ ଏଠି ଆସନ୍ତା 7 ତାରିଖରେ ବସ ଗଡ଼ିବ ବୋଲି ଜଣା ପଡ଼ିଛି ।
ବଲାଙ୍ଗୀରରୁ ଶେକ୍ ମହମ୍ମଦ ୱାହିଦ୍, ଇଟିଭି ଭାରତ
