ବଲାଙ୍ଗୀର: ବଲାଙ୍ଗୀରରେ ଆଜି ଏକ ଅଟୋକୁ ବସ ଗଣପତି ଧକ୍କା ଦେବା ଫଳରେ ଘଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ହୋଇଛି । ପାଟଣାଗଡ ରାସ୍ତାର ଦାଉପାଲି ଗ୍ରାମ ନିକଟରେ ବଲାଙ୍ଗୀର ପଟକୁ ଆସୁଥିବା ଘରୋଇ ବସ ଗଣପତି ଏକ ଅଟୋକୁ ସାମନାରୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ଅଟୋରେ ଥିବା ଦୁଇ ଜଣଙ୍କ ମୃତ୍ୟୁ ହୋଇଛି । ମୃତକ ଦୁଇ ଜଣ ହେଉଛନ୍ତି ତୁଳା ରାମ ସାହୁ ଓ ରଞ୍ଜିତ ସାହୁ ।
ଭିଡିଓ ସୌଜନ୍ୟ: ସମ୍ବାଦଦାତା, ବଲାଙ୍ଗୀର
ଦୁର୍ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଲାଗି ରହିଥିବା ବେଳେ ଲୋକେ କ୍ଷତି ପୂରଣ ଦାବିରେ ରାସ୍ତାରୋକ କରିଛନ୍ତି । ବର୍ତ୍ତମାନ ସୁଦ୍ଧା ଆନ୍ଦୋଳନକାରୀଙ୍କ ନିକଟରେ ପ୍ରଶାସନ ପହଞ୍ଚି ନାହିଁ । ଅନ୍ୟପଟେ ପୋଲିସ ଘଟଣା ସ୍ଥଳରେ ପହଞ୍ଚି ବସକୁ ଜବତ କରିବା ସହ ଡ୍ରାଇଭରକୁ ଅଟକ ରଖିଛି ।
ବଲାଙ୍ଗୀରରୁ ସେକ ମହମ୍ମଦ ୱାଇଦ, ଇଟିଭି ଭାରତ
