ବଲାଙ୍ଗୀର: ତିନି ଦଫା ଦାବି ନେଇ ସୋମବାର ବଙ୍ଗୋମୁଣ୍ଡା ବ୍ଲକରେ 12 ଘଣ୍ଟିଆ ବନ୍ଦ ପାଳନ କରାଯାଇଛି। ଏହାଯୋଗୁଁ ଦୋକାନ ବଜାର ସହ ସରକାରୀ କାର୍ଯ୍ୟାଳୟ ସମ୍ପୂର୍ଣ୍ଣ ବନ୍ଦ ରହିଛି। ଦାବି ପୂରଣ ନ ହେଲେ ଆନ୍ଦୋଳନକୁ ଆହୁରି ତୀବ୍ରତର କରାଯିବ ବୋଲି ଆନ୍ଦୋଳନକାରୀ କହିଛନ୍ତି।
ବଙ୍ଗୋମୁଣ୍ଡାରେ 12 ଘଣ୍ଟିଆ ବନ୍ଦ ପାଳନ
ବଙ୍ଗୋମୁଣ୍ଡା ବ୍ଲକକୁ ଏନଏସି ମାନ୍ୟତା, ସ୍ଥାନୀୟ ଡାକ୍ତରଖାନାର ଉନ୍ନତି ଓ ମୁକୁନ୍ଦ ସାଗରର ପଙ୍କ ଉଦ୍ଧାର ଭଳି ମୁଖ୍ୟ ଦାବି ନେଇ ଏହି ବନ୍ଦ ଡାକରା ନାଗରିକ ମଞ୍ଚ ପକ୍ଷରୁ ଦିଆଯାଇଛି। ଆଗରୁ ତହସିଲଦାରଙ୍କ ଜରିଆରେ ସରକାରଙ୍କୁ ଏହି ସବୁ ଦାବି ଜଣାଇଥିଲେ ମଧ୍ୟ ଦାବି ପୂରଣ ହୋଇନଥିବା ଅଭିଯୋଗ ହୋଇଛି । ସେପଟେ ସୁରକ୍ଷା ଦୃଷ୍ଟିରୁ ବ୍ୟାପକ ପୋଲିସ ମୁତୟନ କରାଯାଇଥିଲା।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ୍, ଇଟିଭି ଭାରତ
