ବଲାଙ୍ଗୀର: ଭୀମ ଭୋଇ ମେଡ଼ିକାଲ କଲେଜ ଓ ଡାକ୍ତରଖାନା ସାରା ଦେଶରେ ପ୍ରଥମ ସ୍ଥାନ ଅଧିକାର କରିଛି । ତେବେ ମଧ୍ୟମ ବର୍ଗ ଜିଲ୍ଲା ଡାକ୍ତରଖାନା ତାଲିକାରେ ଭାରତୀୟ ନୀତି ଆୟୋଗ ବଲାଙ୍ଗୀରର ଏହି ଡାକ୍ତରଖାନାକୁ ପ୍ରଥମ ସ୍ଥାନ ଦେଇଛି । ତେବେ ଏଠିକାର ବ୍ୟବସ୍ଥା, ଶଯ୍ୟା ସଂଖ୍ୟା ଓ ପରିଚାଳନା, ଡାକ୍ତର ସଂଖ୍ୟା ଓ ତାଙ୍କ ସେବା ତଥା ଭାରତୀୟ ଜନସ୍ୱାସ୍ଥ୍ୟ ମାନକ ଆଇପିଏଚଏସରେ ବଲାଙ୍ଗୀରର ବିବିଏମସିଏଚ ଡାକ୍ତରଖାନାକୁ ନୀତି ଆୟୋଗ ପ୍ରଥମ ସ୍ଥାନରେ ରଖିଛି। ଯାହା ଓଡିଶା ଓ ବଲାଙ୍ଗୀର ପାଇଁ ଗର୍ବ ଆଣିଥିବାବେଳେ ଉତ୍କୃଷ୍ଟ ସ୍ୱାସ୍ଥ୍ୟସେବା ଦେବାରେ ଏହାକୁ ପ୍ରଶଂସା କରିଛି ନୀତି ଆୟୋଗ ।
ତେବେ ବଲାଙ୍ଗୀର ଜିଲ୍ଲାର ଏହି ଡାକ୍ତରଖାନା ଉପରେ ଆଖପାଖ ସୋନପୁର, କଳାହାଣ୍ଡି, ନୂଆପଡା ଓ ବୌଦ୍ଧ ଜିଲ୍ଲାର ଲୋକ ନିର୍ଭର କରି ଆସିଥାନ୍ତି । ସେହିପରି ଏଠି ଦିନକୁ ଆଠ ଶହେରୁ 15 ଶହ ରୋଗୀ ଚିକିତ୍ସା ପାଇଁ ଆସିଥାନ୍ତି । ସମାନ ଭାବରେ କରୋନା ମହାମାରୀ ସମୟରେ ମଧ୍ୟ ଏହି ଡାକ୍ତରଖାନାର ସେବା ଅତୁଳନୀୟ ରହିଥିଲା ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
