ବଲାଙ୍ଗୀର: ବସଷ୍ଟାଣ୍ଡରୁ ଯୁବକଙ୍କ ରକ୍ତ ଜୁଡୁବୁଡୁ ମୃତଦେହ ଉଦ୍ଧାର । ବଲାଙ୍ଗୀରର ଭାଲୁମୁଣ୍ଡା ଗାଁ ବସଷ୍ଟାଣ୍ଡ ନିକଟରୁ ମୃତଦେହ ଉଦ୍ଧାର କରାଯାଇଛି । ଯୁବକ ଜଣକ ସେହି ଗାଁର ଲାଲମନ କୈବତ ବୋଲି ଜଣାପଡିଛି । ତେବେ ଯୁବକଟିକୁ ହତ୍ୟା କରାଯାଇଥିବା ନେଇ ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଘଟଣାସ୍ଥଳରେ ବ୍ୟାପକ ଉତ୍ତେଜନା ପ୍ରକାଶ ପାଇଛି । ଖବର ପାଇ ବଙ୍ଗୋମୁଣ୍ଡା ପୋଲିସ ସେଠାରେ ମୃତଦେହ ଉଦ୍ଧାର କରିବା ସହ ତନଘନା ଆରମ୍ଭ କରିଛି ।
ସୂଚନାଯୋଗ୍ୟ, ବସଷ୍ଟାଣ୍ଡ ନିକଟରେ ଲାଲମନଙ୍କ ରକ୍ତାକ୍ତ ମୃତଦେହ ପଡିଥିବାର କିଛି ଲୋକ ଦେଖିଥିଲେ । ଏନେଇ ସେମାନେ ମୃତକଙ୍କ ପରିବାର ଲୋକଙ୍କୁ ଖବର ଦେଇଥିଲେ । ମୃତକଙ୍କ ବଡ ଭାଇଙ୍କ ଅଭିଯୋଗ ମୁତାବକ ବସଷ୍ଟାଣ୍ଡ ନିକଟରେ ତାଙ୍କ ସାନ ଭାଇ କାହା ସହ ଗଣ୍ଡଗୋଳ କରୁଥିବାର ସେ ଖବର ପାଇଥିଲେ । ତେବେ ସେ ସେଠାରେ ପହଞ୍ଚିବା ବେଳକୁ ଲାଲମନଙ୍କ ମୃତ୍ୟୁ ହୋଇ ସାରିଥିଲା । ଏଣୁ ତାଙ୍କ ଭାଇଙ୍କୁ ହତ୍ୟା କରାଯାଇଛି ବୋଲି ସେ ଅଭିଯୋଗ କରିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
