ବଲାଙ୍ଗୀର: ଶୀତଳ ଷଷ୍ଠୀ ଯାତ୍ରା ପାଇଁ ସହରରେ ଜମିଛି ପ୍ରବଳ ଭିଡ଼ । ଏହାରି ମଧ୍ୟରେ ଲୁଟ୍ ଛିନତାଇର ଅଭିଯୋଗ ମଧ୍ୟ ସାମ୍ନାକୁ ଆସିଛି । ଲୋକଙ୍କ ଗହଳିର ଫାଇଦା ନେଇ ଲୁଟେରମାନେ ମଧ୍ୟ ମାତିଛନ୍ତି । ମାତ୍ର ୨ ଘଣ୍ଟାରେ ସହରରେ ପ୍ରାୟ ୫୫ଟି ମୋବାଇଲ ଚୋରି ହୋଇଥିବା ପୋଲିସ କହିଛି । ବଲାଙ୍ଗୀର ସହର ମଧ୍ୟରେ ୫ଟି ଶୀତଳ ଷଷ୍ଠୀ କମିଟି ଏହି ଯାତ୍ରାର ଆୟୋଜନ କରିଛନ୍ତି । ଏଥିପାଇଁ ମୀନା ବଜାର, ପଲ୍ଲିଶ୍ରୀ ମେଳା ସହ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହେଉଛି । ତେବେ ଲୋକଙ୍କ ଏଥିରେ ପ୍ରବଳ ଭିଡ଼ ମଧ୍ୟ ଜମିଛି ।
ଶୀତଳ ଷଷ୍ଠୀ ଯାତ୍ରାରେ ପ୍ରବଳ ଭିଡ, ୨ ଘଣ୍ଟାରେ ଚୋରି ହେଲା ୫୫ ମୋବାଇଲ
ଏହାର ସୁଯୋଗ ନେଇ ଦୁର୍ବୃତ୍ତ ମାନେ ଛିନତାଇ କରୁଥିବାର ଅଭିଯୋଗ ହୋଇଛି । ମାତ୍ର ଦୁଇ ଘଣ୍ଟା ମଧ୍ୟରେ ବଲାଙ୍ଗୀର ଟାଉନ ପୋଲିସ ପାଖରେ ୫୫ଟି ମୋବାଇଲ ଚୋରିର ଅଭିଯୋଗ ଆସିଛି । ଯାହା ପୋଲିସ ପାଇଁ ମୁଣ୍ଡବ୍ୟଥାର କାରଣ ସାଜିଥିବା ବେଳେ ପୋଲିସ ଦୁଇ ଜଣଙ୍କୁ ଅଟକ ରଖି ତଦନ୍ତ କରୁଛି । ସେପଟେ ଭିଡ଼କୁ ଦୃଷ୍ଟିରେ ରଖି ନିଜର ମୂଲ୍ୟବାନ ଜିନିଷ ପ୍ରତି ଲୋକମାନେ ସଚେତନ ରହିବାକୁ ପୋଲିସ ଅପିଲ କରିଛି ।
