ବଲାଙ୍ଗୀର: ଜିଲ୍ଲାରେ କୋରୋନା ବଢି ଚାଲିଥିବା ବେଳେ ବୁଧବାର ପୁଣି ଦୁଇ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ବଲାଙ୍ଗୀରରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା ଏବେ 270 ରେ ପହଞ୍ଚିଛି ।
ସାଇଁତଳା ବ୍ଲକ କୁଇ କଟା ଗ୍ରାମରୁ ଜଣେ ଓ ପାଟଣାଗଡ଼ ବ୍ଲକ ସାନମୁଡ଼ି ଗ୍ରାମରୁ ଜଣେ ଯୁବକ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ତେବେ ପାଟଣାଗଡ଼ ସାନମୁଦି ଗ୍ରାମର ଯୁବକ ଏମ୍ସ ଭୁବନେଶ୍ୱରରେ ଭର୍ତ୍ତି ହୋଇଥିବା ବେଳେ ତାଙ୍କର କୋଭିଡ ପୋଜିଟିଭ ଥିବାର ଜଣାପଡ଼ିଛି । ସେପଟେ ଏହାକୁ ମିଶାଇ ବଲାଙ୍ଗୀରରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା 270 ରେ ପହଞ୍ଚିଛି । ଏମଧ୍ୟରୁ 215 ଜଣ ସୁସ୍ଥ ହୋଇଛନ୍ତି । ବର୍ତ୍ତମାନ 55 ଜଣ ଏକ୍ଟିଭ ମାମଲା ଭାବରେ ଚିକିତ୍ସାଧୀନ ଥିବାର ଜିଲ୍ଲା ପ୍ରଶାସନ ସୂଚନା ଦେଇଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
