ଅନୁଗୋଳ: ଜିଲ୍ଲାର ତାଳଚେର ଅଞ୍ଚଳରେ ଆତଙ୍କ ଖେଳାଇ ଥିବା ଦୁଇ ଲୁଟେରା ଗିରଫ । ବାରମ୍ବାର ପୋଲିସକୁ ଚକମା ଦେଇ ବିଭିନ୍ନ ଲୁଟ, ଡକାୟତରେ ସମ୍ପୃକ୍ତ ଦୁଇ ଅପରାଧି ଶେଷରେ ତାଳଚେର ପୋଲିସ ପଞ୍ଛାରେ ପଡିଛନ୍ତି । ଅପରାଧୀଙ୍କ ନିକଟରୁ ବିପୁଳ ପରିମାଣରେ ମାରଣାସ୍ତ୍ର ସହିତ ନକଲି ପିସ୍ତଲ ବାଇକ ଓ ଅନ୍ୟାନ୍ୟ ଜିନିଷ ଜବତ କରାଯାଇଛି ।
ପୋଲିସ ସୂଚନା ଅନୁଯାୟୀ ତାଳଚେର ଥାନା ଅନ୍ତର୍ଗତ ବାଘୁଆବୋଲ ଆଟିଆଇ ରୋଡର ବିକାଶ ନାଏକ ଓ ଶିପୁନ ନାଏକ ବିଭିନ୍ନ ଅପରାଧିକ ସମ୍ପୃକ୍ତ ରହିଛନ୍ତି । ଗତ ବର୍ଷ ତମାମ ଲୁଟେରା ମାନେ ତାଳଚେର ଅଞ୍ଚଳରେ ବିଭିନ୍ନ ସମୟରେ ହୋଇଥିବା ଲୁଟ,ଡକାୟତ ରାଜହାନୀ ଭଳି ଅନେକ ଅପରାଧରେ ସମ୍ପୃକ୍ତ ରହିଛନ୍ତି । ଲଗାତାର ତାଳଚେର ଅଞ୍ଚଳରେ ଏଭଳି ଲୁଟ କରି କକୁଆ ଭୟ ସୃଷ୍ଟି କରିଥିଲେ ଏବଂ ପୋଲିସର ନିଦ ହଜାଇ ଦେଇଥିଲା ।
ଗିରଫ ଅପରାଧୀଙ୍କ ନିକଟରୁ ପୋଲିସ ଗୋଟିଏ ଭୁଜାଲି ,ଖେଳଣା ପିସ୍ତଲ ,ଗୋଟିଏ ପଲସର ବାଇକ,ଗୋଟିଏ ଷ୍ଟାର ସିଟି ବାଇକ,କଳା ମୁଖା ସହ ଦୁଇଟି ଲୁଟ ହୋଇଥିବା ମୋବାଇଲ ଫୋନ ଜବତ କରାଯାଇଛି। ଉଭୟ ଗିରଫ ଅପରାଧୀକୁ ପୋଲିସ କୋର୍ଟ ଚାଲାଣ କରିବ ।
ଅନୁଗୋଳରୁ ସଂଗ୍ରାମରଞ୍ଜନ ନାଥ, ଇଟିଭି ଭାରତ
