ଅନୁଗୋଳ: ଆଜିଠୁ ଆରମ୍ଭ ହୋଇଛି ଟ୍ରକ ଧର୍ମଘଟ । ତାଳଚେରରେ ଭଡା ବୃଦ୍ଧି ଦାବି ନେଇ ତଳଚେରରୁ ଟ୍ରକ ଯୋଗେ କୋଇଲା ପରିବହନ ବନ୍ଦ ରହିଛି । ତାଳଚେର ଟ୍ରକ ମାଲିକ ସଂଘ ଡାକରାରେ ଏହି ଟ୍ରକ ଧର୍ମଘଟ ହୋଇଥିବାବେଳେ ଏହାକୁ ରାଜ୍ୟ ଟ୍ରକ ମାଲିକ ସଂଘ ସମର୍ଥନ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ବିଶେଷ କରି ତାଳଚେରରେ ଥିବା କୋଇଲା ଖଣି ଗୁଡିକରୁ ଟ୍ରକରେ କୋଇଲା ପରିବହନ କରି ଅଞ୍ଚଳବାସୀ ନିଜ ଗୁଜୁରାଣ ମେଣ୍ଟାଇଥାନ୍ତି । ତେବେ ଏମସିଏଲ କୋଇଲା ପରିବହନ ପାଇଁ ଯେଉଁ ଭଡା ଦେଇଛି ତାହା ବହୁତ କମ । ପୂର୍ବରୁ ଭଡା ବୃଦ୍ଧି ନେଇ ଅନେକ ଥର ଦାବି କରାଯାଇଥିଲେ ମଧ୍ୟ ଏମସିଏଲ ଏଥିପ୍ରତି ଦୃଷ୍ଟି ଦେଉନାହିଁ କି ଆବଶ୍ୟକୀୟ ଭଡା ବୃଦ୍ଧି କରୁନାହିଁ । ଯାହାର ପ୍ରତିବାଦରେ ଏହି ଟ୍ରକ ଧର୍ମଘଟ କରିଛନ୍ତି ଟ୍ରକ ବ୍ୟବସାୟୀ ।
ଧର୍ମଘଟ ଯୋଗୁଁ ତାଳଚେର ଖଣି ଅଞ୍ଚଳରୁ କୋଇଲା ପରିବହନ ବନ୍ଦ ରହିଛି । ଏହି ଆନ୍ଦୋଳନରେ ପାଖାପାଖି 7 ହଜାର ଟ୍ରକ ସାମିଲ ହୋଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
