ଅନୁଗୋଳ: ରାଜ୍ୟରେ ଦିନକୁ ଦିନ ବେକାବୁ ହେବାରେ ଲାଗିଛି କୋରୋନା । ପ୍ରତିଦିନ ଅଧିଂକାଶ ଜିଲ୍ଲାରୁ କୋରୋନା ପଜେଟିଭ କେସ ସାମ୍ନାକୁ ଆସୁଛି । ଅନୁଗୋଳରେ ଆଜି(ମଙ୍ଗଳବାର) ପୁଣି ୩୭ ଜଣ କୋରୋନା ପଜେଟିଭ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଆକ୍ରାନ୍ତ ସଂଖ୍ୟା ୨୨୯ କୁ ଵୃଦ୍ଧି ପାଇଛି ।
ଦିନକୁ ଦିନ ଅଗୁଗୋଳ ଜିଲ୍ଲାରେ ବଢ଼ିବାରେ ଲାଗିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଆଜି ରାଜ୍ୟ ଲୋକ ସମ୍ପର୍କ ବିଭାଗ ଓ ସ୍ବାସ୍ଥ୍ୟ ବିଭାଗ ଦେଇଥିବା ସୂଚନା ଅନୁସାରେ ଜିଲ୍ଲାରେ ଆକ୍ରାନ୍ତ ସଂଖ୍ୟାରେ ଆଉ ନୂଆ ୩୭ ଜଣ ପଜେଟିଭ ଯୋଡି ହୋଇଛନ୍ତି । ତେବେ ଚିହ୍ନଟ ହୋଇଥିବା ୩୭ ନୂଆ ଆକ୍ରାନ୍ତ କେଉଁ ଅଞ୍ଚଳର ଓ ସେମାନେ ସଙ୍ଗରୋଧ କେନ୍ଦ୍ରର କି ନୁହେଁ, କିମ୍ବା ଅନ୍ୟ ଶିଳ୍ପାଞ୍ଚଳ ତାହା ବାବଦରେ ସ୍ପଷ୍ଟ ସୂଚନା ଦିଆଯାଇ ନାହିଁ ।
ଏନେଇ ଜିଲ୍ଲା ପ୍ରଶାସନ କୌଣସି ସଠିକ ତଥ୍ୟ ରଖି ନାହିଁ । ବର୍ତମାନ ଜିଲ୍ଲାରେ ଆକ୍ରାନ୍ତ ସଂଖ୍ୟା ୨୨୯ ଛୁଇଁଥିବାବେଳେ ୧୪୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ବର୍ତମାନ ସୁଦ୍ଧା ୮୨ ଟି ଆକ୍ଟିଭ କେସ ରହିଥିବା ସୂଚନା ମିଳିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
