ଅନୁଗୋଳ: ଜିଲ୍ଲାରେ ପୁଣି ୬ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହାକୁ ମିଶାଇ ଜିଲ୍ଲାରେ ଆକ୍ରାନ୍ତ ସଂଖ୍ୟା 48 କୁ ବୃଦ୍ଧି ପାଇଛି । ଏନେଇ ଅନୁଗୋଳ ସୂଚନା ଲୋକ ସମ୍ପର୍କ ବିଭାଗ ପକ୍ଷରୁ ଏକ ପ୍ରେସ ଇସ୍ତହାରରେ ସୂଚନା ଦିଆଯାଇଛି ।
ସୋମବାର ଚିହ୍ନଟ ମାନଙ୍କ ଭିତରୁ ୪ ଜଣ ଆଠମଲ୍ଲିକ ଅଞ୍ଚଳର ଏକ ଘରୋଇ ଠିକା ସଂସ୍ଥାରେ କାମ କରୁଥିଲେ । ଏମାନଙ୍କ ମଧ୍ୟରୁ ଦୁଇଜଣ ପଶ୍ଚିମବଙ୍ଗ ଫେରନ୍ତା ଓ ଅନ୍ୟ ୨ ଜଣ ସ୍ଥାନୀୟ ଅଞ୍ଚଳର ବୋଲି ସୂଚନା ମିଳିଛି । ଅନ୍ୟ ଦୁଇଜଣଙ୍କ ମଧ୍ୟରୁ ଜଣେ କଣିହାଁ ଅଞ୍ଚଳର କର୍ମଚାରୀ ଦିଲ୍ଲୀରୁ ଆସି ହୋମ କ୍ବାରେଣ୍ଟାଇନରେ ଥିଲେ ଓ ଅନ୍ୟ ଜଣେ ମହାରାଷ୍ଟ୍ରରୁ ଆସି ଅନୁଗୋଳ ବ୍ଲକ ସରକାରୀ କ୍ବାରେଣ୍ଟାଇନରେ ଥିଲେ । ଏହି ସମସ୍ତଙ୍କୁ ସୋମବାର ତାଳଚେରସ୍ଥିତ କୋଭିଡ ହସ୍ପିଟାଲରେ ଭର୍ତ୍ତି କରାଯାଇଛି ।
ତେବେ ଏଯାଏଁ ଜିଲ୍ଲାରେ 31 ଜଣ ସୁସ୍ଥ ହୋଇ ସାରିଲେଣି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
