ଅନୁଗୋଳ: ଭିଜିଲାନ୍ସ ଜାଲରେ ସରକାରୀ ବାବୁ । ଜମି ଚିହ୍ନଟ ପାଇଁ ୧୫୦୦ ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରା ପଡିଛନ୍ତି ଅନୁଗୋଳ ଜିଲ୍ଲା ବଅଁରପାଳ ତହସିଲ ଅଫିସର ବରିଷ୍ଠ କିରାଣୀ ବିନୟ ମହାପାତ୍ର । ଜମି ଚିହ୍ନଟର ଫାଇଲ ପ୍ରୋସେସ କରିବା ପାଇଁ ଲାଞ୍ଚ ନେଉଥିବା ବେଳେ ଭିଜିଲାନ୍ସ ତାଙ୍କୁ ମାଡି ବସିଛି ।
ବଅଁରପାଳ ତହସିଲ ଅଧିନସ୍ଥ ପଥୁରିଆ ଗାଁର ଦେବେନ୍ଦ୍ର ଅମାନ୍ତ ତାଙ୍କ ଜମି ଚିହ୍ନଟ କରାଇବା ପାଇଁ ଆବେଦନ କରିଥିଲେ । ହେଲେ ଏହି ଆବେଦନର ଫାଇଲ ପ୍ରୋସେସ କରାଇବା ପାଇଁ କିରାଣୀ ବିନୟ ମହାପାତ୍ର ୧୫୦୦ ଟଙ୍କା ଲାଞ୍ଚ ମାଗିଥିଲେ । ଏଥିପାଇଁ ଆବେଦନକାରୀଙ୍କୁ ସେ ୫ ମାସରୁ ଅଧିକ ସମୟ ହେବ ହଇରାଣ କରାଉଥିଲେ ।
ଭିଜିଲାନ୍ସ ଜଳରେ ସରକାରି ବାବୁ
ବାରମ୍ବାର ତହସିଲ ଅଫିସ ଦଉଡି ନୟାନ୍ତ ହେବା ପରେ ଏନେଇ ଦେବେନ୍ଦ୍ର ଅମାନ୍ତ ଭିଜିଲାନ୍ସର ଦ୍ଵାରସ୍ଥ ହୋଇଥିଲେ । ସୋମବାର କିରାଣୀ ବିନୟ ମହାପାତ୍ର ୧୫୦୦ ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ତାଙ୍କୁ ଧରି ନେଇଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
