ଅନୁଗୋଳ: ରାମ ମନ୍ଦିର ଭୂମିପୂଜା ଖୁସି ଅନୁଗୋଳରେ ଦେଖିବାକୁ ମିଳିଛି । ସହରରେ ବିଭିନ୍ନ ଛକରେ ଏହି ଖୁସି ଅବସରରେ ମିଠା ବଣ୍ଟନ କରାଯାଇଛି । ବିଭିନ୍ନ ସଂଗଠନ ପକ୍ଷରୁ ଏହି ବଣ୍ଟନ କରାଯାଇଛି ।
ଅନୁଗୋଳରେ ମିଠା ବାଣ୍ଟିଲେ ଅନେକ ସଂଗଠନ
ରାମଙ୍କ ମନ୍ଦିର ନିର୍ମାଣ ହେବା ଖୁସିରେ ଅନୁଗୋଳ କେତେକ ସଂଗଠନ ପକ୍ଷରୁ ସହରର ବିଭିନ୍ନ ଛକ ମାନଙ୍କରେ ସର୍ବସଧାରଣଙ୍କୁ ମିଠା ବଣ୍ଟା ଯାଉଥିବା ଦେଖିବାକୁ ମିଳିଛି । ଅନୁଗୋଳ ସହରର ରାଜା ଛକ , ପିଟିସି ଛକ କମଳାଫାର୍ମ ଓ ବଜାର ଅନେକ ବ୍ୟକ୍ତି ଵିଶେଷ ମିଷ୍ଠାନ ବାଣ୍ଟିଛନ୍ତି । ଦୀର୍ଘ 5 ଶତାବ୍ଦୀ ପରେ ନିର୍ମାଣ ହେବାକୁ ଯାଉଛି ପ୍ରଭୂ ଶ୍ରୀରାମଙ୍କ ଭବ୍ୟ ମନ୍ଦିର ଯାହାର ଖୁସିରେ ଏହିଭଳି ମିଷ୍ଠାନ ବଣ୍ଟାଯାଉଥିବା କୁହାଯାଇଛି । ବିଶ୍ବହିନ୍ଦୁ ପରିଷଦ, ଆରଏସଏସ, ପତଞ୍ଜଳି ଯୋଗ ସମିତି ପକ୍ଷରୁ ଏହି ମିଠା ବଣ୍ଟା ଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
