ଅନୁଗୋଳ: ବିପର୍ଯ୍ୟସ୍ତ ଅବସ୍ଥାରେ ଜିଲ୍ଲା ପୌରପାଳିକା ପରିମଳ ବ୍ୟବସ୍ଥା । ସହରରେ ପାହାଡ ଭଳି ପଡିରହିଛି କୁଢ କୁଢ ଆବର୍ଜନା । ଆଖି ଯୁଆଡେ ଯାଉଛି କେବଳ ଅଳିଆ ଆଉ ଦୁର୍ଗନ୍ଧ । ଏହାକୁ ପ୍ରତିବାଦ କରି (SUCI) କମ୍ୟୁନିଷ୍ଟ ସଦସ୍ୟ ଏକତ୍ର ହୋଇ ଏକ ଶୋଭାଯାତ୍ରାରେ ବହାରିଛନ୍ତି । ଏହାପରେ ସେମାନେ ଜିଲ୍ଲାପାଳ ଅଫିସ ସମ୍ମୁଖରେ ବିକ୍ଷୋଭ କରିଛନ୍ତି ।
ଅନୁଗୋଳ ଏବେ ଅଳିଆର ଗନ୍ତାଘର । ବସଷ୍ଟାଣ୍ଡ, ଡାକ୍ତରଖାନା, ଗଳିକନ୍ଦି, ବଜାର ସବୁ ଜଳଗହଳିପୂର୍ଣ୍ଣ ସ୍ଥାନରେ ଆବର୍ଜନା ପଡିରହିଛି । ଦିନେ କି 2 ଦିନ ନୁହେଁ ଗତ 3-4 ମାସ ଧରି ଏପରି ଅଳିଆ ଏହି ଜାଗାଗୁଡିକରୁ ହଟାଉନି ପୌରପାଳିକା । ଯାହା ଫଳରେ ନାନା ରୋଗ ହେବା ସହ ପରିବେଶ ପ୍ରଦୂଷିତ ହେଉଛି । ଏଭଳି ବିପର୍ଯ୍ୟସ୍ତ ବ୍ୟବସ୍ଥାର ସୁଧାର ପାଇଁ କାହାରି ନଜର ମଧ୍ୟ ନାହିଁ । ତେଣୁ ତୁରନ୍ତ ଏନେଇ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି ସଂଗଠନ ।
ଜିଲ୍ଲା ପ୍ରଶାସନ ଯଦି ଏହାର ପ୍ରତିକାର ନ କରନ୍ତି ତେବେ ଅନୁଗୋଳ ଖୁବଶୀଘ୍ର ରୋଗାଗ୍ରସ୍ଥ ହେବାକୁ ବିଳମ୍ବ ହେବନାହିଁ ।
ଅନୁଗୋଳରୁ ସଂଗ୍ରାମ ରଞ୍ଜନ ରଥ, ଇଟିଭି ଭାରତ
