ଅନୁଗୋଳ: ହୋଟେଲରୁ ସେକ୍ସ ରାକେଟ ଠାବ । ଦୀର୍ଘ ଦିନ ହେବ ଅନୁଗୋଳରେ ଖୁଲମଖୁଲା ଦେହ କାରବାର ଚାଲୁଥିବା ଅଭିଯୋଗ ହୋଇଥିଲା। ଆଜି ପୋଲିସ ଏକ ହୋଟେଲରେ ଚଢାଉ କରି ତିନି ଦେହଜୀବୀଙ୍କ ସହ ତିନି ଗ୍ରାହକ, ହୋଟେଲ ମ୍ୟାନେଜର ଓ ସିକ୍ୟୁରିଟି ଗାର୍ଡଙ୍କୁ ଗିରଫ କରିଛି ।
ଭିଡିଓ ସୌଜନ୍ୟ:ସମ୍ବାଦଦାତା,ଅନୁଗୋଳ
ମ୍ୟାନେଜର ସଞ୍ଜିତ ସିଂହ ଅନୁଗୋଳ ସମେତ ପାଖ ଜିଲ୍ଲାରୁ ଝିଅ ଆଣି ଦେହ ବ୍ୟବସାୟ କରୁଥିବା ଜଣାପଡିଛି । କୌଣସି ସୂତ୍ରରୁ ଖବର ପାଇ ପୋଲିସ ହୋଟେଲରେ ଚଢାଉ କରିବା ପରେ ୧୫ ହଜାର ଟଙ୍କା ଆପତ୍ତି ଜନକ ସାମଗ୍ରୀ ଔଷଧ ଆଦି ଜବତ କରିଛି ।
ଗ୍ରାହକ ହୋଇ ଆସିଥିବା ରେଙ୍ଗାଳୀ ଥାନା କାଳିଆଦମା ଗାଁର ଡାକ୍ତର ବିଶ୍ଵାଳ, ତ୍ରିଲୋଚନ ବିଶ୍ଵାଳ, ଛେଣ୍ଡିପଦା ଅଞ୍ଚଳର ପାପୁନ ବେହେରାଙ୍କୁ ପୋଲିସ କାବୁ କରିଛି । ପୂର୍ବରୁ ମଧ୍ୟ ସେହି ଷ୍ଟେସନ ରୋଡର ଅନ୍ୟ ଏକ ହୋଟେଲରୁ ଦୁଇ ଯୁବକ ଓ ଦୁଇ ଯୁବତୀ ଧରା ପଡିଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ,ଇଟିଭି ଭାରତ
