ଅନୁଗୋଳ: ବର୍ଷାରେ ବେହାଲ ଅନୁଗୋଳ ଜିଲ୍ଲା ପାଲଲହଡା ସରକାରୀ ଡାକ୍ତରଖାନା । ଗତକାଲି ସନ୍ଧ୍ୟା ସମୟରେ ଘଡଘଡି ସାଙ୍ଗକୁ ପ୍ରବଳ ବର୍ଷା ହେବାରୁ ସରକାରୀ ଡାକ୍ତରଖାନାରେ ନାଳ ନର୍ଦ୍ଦମାର ପାଣି ପ୍ରବେଶ କରିଥିଲା । ଫଳରେ ରୋଗୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ । ଦୀର୍ଘ ସମୟ ଧରି ରୋଗୀ ଓ ସେମାନଙ୍କ ର ସମ୍ପର୍କୀୟ ମାନେ ପାଣି ଘେରରେ ଥିଲେ ।
ବର୍ଷାରେ ବେହାଲ ଅନୁଗୋଳ ଜିଲ୍ଲା ପାଲଲହଡା ସରକାରୀ ଡାକ୍ତରଖାନା
ଏପରିକି ସେମାନଙ୍କର ଔଷଧ ପତ୍ର ପାଣିରେ ଭିଜି ଯାଇଥିବା ଦେଖିବାକୁ ମିଳିଥିଲା । ତେବେ ଡାକ୍ତରଖାନାର ରକ୍ଷଣାବେକ୍ଷଣ ଦାୟିତ୍ବରେ ଥିବା ପାଳଲହଡା କର୍ତ୍ତୃପକ୍ଷ ପ୍ରତ୍ୟେକ ବର୍ଷ ଏହା ବାବଦକୁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଥିଲେ ମଧ୍ୟ କୌଣସି ସୁଫଳ ମିଳି ପାରୁ ନାହିଁ ।
ବର୍ତ୍ତମାନ କୋରୋନା ଭଳି ମହାମାରୀ ସମୟରେ ଲୋକମାନେ ଭୟଭୀତ ଥିବା ବେଳେ ଡାକ୍ତରଖାନା ପରିସରରେ ଏପରି ଅବ୍ୟବସ୍ଥା ଦେଖି ରୋଗଙ୍କ ସମ୍ପର୍କୀୟ ମାନେ ଅଭିଯୋଗ କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
