ଅନୁଗୋଳ: ଅଦିନିଆ ବର୍ଷା ଉଜାଡି ଦେଇଛି ଚାଷୀର ଭବିଷ୍ୟତ। କେତେ ଆସ କରି ଧାର କରଜ କରି ଯେଉଁ ଫସଲ ଅମଳ ପାଇଁ ଚିନ୍ତା ରଖିଥିଲା ତାହା ପାଣିରେ ମିଳେଇ ଯାଇଛି । ଲଗାଣ ବର୍ଷା ଯୋଗୁଁ ଚାଷୀ କରିଥିବା ଏକର ଏକର ଟମାଟୋ ଫସଲ ଏବେ ନଷ୍ଟ ହୋଇଯାଇଛି । ଏଭଳି କ୍ଷତିର ଶିକାର ହୋଇଛନ୍ତି ଅନୁଗୋଳ ଜିଲ୍ଲାର ଚାଷୀ ।
ଜିଲ୍ଲାର ଅନୁଗୋଳ ବ୍ଲକ ଟମାଟୋ ଚାଷ ପାଇଁ ବେଶ ନାଁ ରହିଛି । ବ୍ଲକର ବନ୍ତଳା ଅଞ୍ଚଳର ନନ୍ଦପୁର, ମଧୁପୁର, କରତପଟା ଶଙ୍ଖାପୁର ଆଦି ଅନେକ ଗାଁର ଲୋକେ ଟମାଟୋ ଚାଷ କରନ୍ତି । କହିବାକୁ ଗଲେ ଏମାନେ ଟମାଟୋ ଲଗାଇ ଭଲ ଦୁଇ ପଇସା ରୋଜଗାର କରନ୍ତି । ହେଲେ ଲଗାଣ ବର୍ଷା ଏମାନଙ୍କ ମେରୁଦଣ୍ଡକୁ ଭାଙ୍ଗି ଦେଇଛି ।
ଅମଳ ପୂର୍ବରୁ ପଚି ନଷ୍ଟ ହୋଇ ଯାଉଛି ଟମାଟୋ । ଗଛ ହଳଦିଆ ପଡି ଯାଉଥିବା ବେଳେ ଟମାଟୋ ସବୁ ପଚି ଯାଉଛି । ଖାଲି ସେତିକି ନୁହେଁ କଞ୍ଚା ଥିବା ଅବସ୍ଥାରେ ଫଳ ସବୁ ଖସି ପଡୁଛି । ଟମାଟୋ ଚାଷ ପାଇଁ ଯାହା ଖର୍ଚ୍ଚ କରିଥିଲେ ଏବେ ସେତିକ ମିଳିବ କି ନାହିଁ ତାକୁ ନେଇ ସନ୍ଦେହରେ ଚାଷୀ । ଯେଉଁ ଆଶା ରଖି କିଏ ଧାର କରଜ ତ ଆଉ କିଏ ଭାଗ ଚାଷ କରି ଟମାଟୋ ଲଗାଇ ଥିଲା ସେ ସବୁ ଆଶା ମଉଳି ଯାଇଛି । ତେବେ ଗତ 4 ଦିନ ଧରି ଲାଗି ରହିଥିବା ବର୍ଷା ଯୋଗୁଁ ଏବେ ଅମଳ ହେବାକୁ ଥିବା ଟମାଟୋ ସବୁ ପଚି ନଷ୍ଟ ହୋଇଯାଉଛି । ଅଧିକ ପଚିଯିବା ଆଶାରେ ଚାଷୀ ଏବେ କଞ୍ଚା ଟମାଟୋକୁ ତୋଳି କ୍ଷତିରେ ବେପାରୀଙ୍କୁ ବିକୁଛି । ଯାହା ପ୍ରତି କାହାରି ନଜିର ନାହିଁ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
