ଅନୁଗୁଳ : ଲୋକାୟୁକ୍ତ ଆଇନ ୨୦୧୪ କୁ ନେଇ ସଚେତନତା କର୍ମଶାଳା ଆୟୋଜନ କରାଯାଇଛି । ଓଡିଶା ଲୋକାୟୁକ୍ତ ସଦସ୍ୟ ମାନେ ଏହି ଆଇନ ସଚେତନତା କାର୍ଯ୍ୟକ୍ରମରେ ଯୋଗଦେଇଛନ୍ତି ।
ଅନୁଗୁଳ ଆଇନ ସେବା ପ୍ରାଧିକରଣ ଓ ଜିଲ୍ଲା ପ୍ରଶାସନର ମିଳିତ ସହଯୋଗରେ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଆଇନକୁ ନେଇ ସଚେତନତା ସଭା ଆୟୋଜନ କରାଯାଇଛି । କିଭଳି ଦୁର୍ନୀତି ବିରୁଦ୍ଧରେ ଲୋକାୟୁକ୍ତଙ୍କ ନିକଟରେ ଅଭିଯୋଗ କରିହେବ । ଲୋକାୟୁକ୍ତ ଆଇନ ବଳରେ ସମ୍ପୃକ୍ତ ସଂସ୍ଥା ବା ଦୁର୍ନୀତି ଖୋର ଅଫିସରଙ୍କ ବିରୁଦ୍ଧରେ କଣ କାର୍ଯ୍ୟାନୁଷ୍ଠାନ ନିଆଯାଇପାରିବ । ସେ ନେଇ ବିଶଦ ଭାବେ ବୁଝାଇଥିଲେ ଲୋକାୟୁକ୍ତ ସଦସ୍ୟ ଜଷ୍ଟିସ ବିନୟ କୁମାର ନାଏକ, ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା ଓ ଦେବବ୍ରତ ସ୍ଵାଇଁ । କାର୍ଯ୍ୟକ୍ରମରେ ଜିଲ୍ଲାର ସମସ୍ତ ବିଚାର ବିଭାଗୀୟ ଅଧିକାରୀ, ପୋଲିସ ପ୍ରଶାସନ ଓ ଜିଲ୍ଲାର ବରିଷ୍ଠ ଅଧିକାରୀମାନେ ସାମିଲ ହୋଇଥିଲେ ।
ତେବେ ଏଭଳି ଏକ ଗୁରୁତ୍ଵପୂର୍ଣ୍ଣ ସଚେତନତା ସଭାରେ ଦେଖିବାକୁ ମିଳିଥିଲା କିଛି ଅଜବ ଦୃଶ୍ୟ । କାର୍ଯ୍ୟକ୍ରମରେ ଯୋଗ ଦେଇଥିବା ପୋଲିସ ଅଧିକାରୀମାନେ ସଚେତନ ହେବେ କଣ ସମସ୍ତେ ଶୋଇ ପଡିଥିଲେ । ଏଥିରୁ ମଧ୍ୟ ବାଦ ପଡି ନଥିଲେ ଅନ୍ୟ ବରିଷ୍ଠ ଅଧିକାରୀ । ଗୋଟେ ପଟେ ଆଇନକୁ ନେଇ ସଚେତନ କରାଯାଉଥିବା ବେଳେ ଅନ୍ୟପଟେ କିନ୍ତୁ ସେମାନେ ନିଶ୍ଚିନ୍ତରେ ଶୋଇ ପଡିଥିବା ଦୃଶ୍ୟ ଚର୍ଚ୍ଚାର ବିଷୟ ପାଲଟିଛି ।
ଅନୁଗୁଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
