ଅନୁଗୋଳ: ଭରତପୁର କୋଇଲା ଖଣି ଦୁର୍ଘଟଣାକୁ ନେଇ ତାତିଲେ ମୃତକଙ୍କ ପରିବାର ଓ ଗାଁଲୋକେ । ମୃତକଙ୍କ ପରିବାରକୁ କ୍ଷତିପୂରଣ ଦାବି କରି ତାଳଚେରରେ ଖଣି ବନ୍ଦ ଆନ୍ଦୋଳନ ଡାକରା ଦିଆଯାଇଛି । ଏହି ଡାକରାରେ ସମସ୍ତ 8ଟି କୋଇଲା ଖଣି ବନ୍ଦ କରାଯାଇଛି ।
ଭିଡିଓ ସୌଜନ୍ୟ:ସମ୍ବାଦଦାତା, ଅନୁଗୋଳ
କୋଇଲା ଖଣିରେ ମାଟି ଅତଡା ଧସିବା ଘଟଣାରେ ଚାରିଜଣଙ୍କ ମୃତ୍ୟୁ ହୋଇଥିବା ବେଳେ ଏହି ଘଟଣାକୁ ନେଇ ମୃତକଙ୍କ ପରିବାର ଓ ତାଙ୍କ ଗାଁଲୋକଙ୍କ ପକ୍ଷରୁ ଦିଆଯାଇଛି ତାଳଚେର ଖଣି ବନ୍ଦ ଆନ୍ଦୋଳନ ଡାକରା।
କୋଇଲା ଖଣି ଦୁର୍ଘଟଣାରେ ମୃତ୍ୟୁବରଣ କରିଥିବା ଲକୈଇ ପତି, ଗୋବରା ଓ କୁକୁଡାଙ୍ଗ ଗାଁଲୋକେ ଏହି ବନ୍ଦ ଡାକରା ଦେବା ସହ ମୃତକଙ୍କ ପରିବାରକୁ 3କୋଟି କ୍ଷତିପୂରଣ ସହ MCLରେ ସ୍ଥାୟୀ ନିଯୁକ୍ତି ପ୍ରଦାନ କରିବାକୁ ଦାବି ହୋଇଛି ।
ଆନ୍ଦୋଳନ ଯୋଗୁଁ NTPCରେ କୋଇଲା ସଙ୍କଟ ସୃଷ୍ଟି ହେବା ସହ ବିଦ୍ୟୁତ ଉତ୍ପାଦନ ମଧ୍ୟ କମିଥିବା ଜଣାପଡିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
