ଅନୁଗୋଳ: ପାଖେଇ ଆସୁଛି ପ୍ରଥମ ପର୍ଯ୍ୟାୟ ପଞ୍ଚାୟତ ନିର୍ଵାଚନ ତାରିଖ । ସରଗରମ ପ୍ରଚାର ମୈଦାନ । ଘରକୁ ଘର ଓ ଗାଁକୁ ଗାଁ ବୁଲି ନିଜ ସକ୍ଷରେ ଭୋଟ ମାଗୁଛନ୍ତି ପ୍ରାର୍ଥୀ । ଶନିବାର ଅନୁଗୋଳ ଜିଲ୍ଲାର 25 ନଂ ଜିଲ୍ଲା ପରିଷଦ ଜୋନରେ ପ୍ରଚାର ବେଶ ଜମୁଥିବା ଦେଖିବାକୁ ମିଳିଛି । ବିଜେଡିର ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା ଏକ ରୋଡ଼ ସୋରେ ଦଳୀୟ ଜିଲ୍ଲାପରିଷଦ ପ୍ରାର୍ଥୀ ଦିଲ୍ଲୀପ କୁମାର ପ୍ରଧାନ ଓ ଦଳୀୟ ସମର୍ଥିତ ସରପଞ୍ଚ ଓ ସମିତି ସଭ୍ୟଙ୍କ ପାଇଁ ପ୍ରଚାର କରୁଥିବା ଦେଖିବାକୁ ମିଳିଛି ।
ଦଳୀୟ କର୍ମୀ ମାନେ ଏକ ବିରାଟ ପଟୁଆରରେ ଗାଁ ଗାଁରେ ବୁଲି ବିଜେଡି ପ୍ରାର୍ଥୀଙ୍କୁ ଭୋଟ ଦେବାକୁ ନିବେଦନ କରିଥିଲେ । ସେହିପରି ଏହି ଜୋନରେ ବିଜେପି ପ୍ରାର୍ଥୀ ସରୋଜ କୁମାର ଦେବତା ମଧ୍ୟ ପ୍ରଚାର କରୁଥିବା ଦେଖିବାକୁ ମିଳିଛି । ତାଙ୍କ ସହ ଲୋକଙ୍କ ସମର୍ଥନ ଅଛି ଓ ସେ ନିର୍ବାଚନରେ ବିଜୟୀ ହେବ ବୋଲି କହିଛନ୍ତି । ତେବେ ଜିଲ୍ଲାର ବଅଁରପାଳ ବ୍ଲକ ଅଧୀନରେ ଥିବା ଏହି ଜୋନରେ ଆସନ୍ତା 16 ତାରିଖରେ ଭୋଟ ପଡିବ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
