ଅନୁଗୋଳ: ପଞ୍ଚାୟତ ନିର୍ବାଚନ ତାରିଖ ଯେତିକି ପାଖଉଛି, ପ୍ରଚାର ସେହିମାତ୍ରାରେ ଜୋରଦାର ହେଉଛି। ଜମିଲାଣି ଗାଁ ଗାଁ ରେ ପ୍ରଚାର, ଚିହ୍ନ ର ନକଲ ଧରି ଭୋଟ୍ ମାଗୁଛନ୍ତି ପାର୍ଥୀ । ବିଭିନ୍ନ ରାଜନୈତିକ ଦଳ ପକ୍ଷରୁ ଗାଁ ଗାଁରେ ପ୍ରଚାର ଜମୁଛି। ଅନୁଗୋଳ ଜିଲାର ବଳରାମପ୍ରସାଦ ପଞ୍ଚାୟତରେ ପ୍ରାର୍ଥୀମାନେ ପାଇଥିବା ମତଦାନ ଚିହ୍ନର ପ୍ରତିକୃତି ବନାଇ ଲୋକଙ୍କୁ ଭୋଟ୍ ମାଗିଛନ୍ତି ।
ଏହାମଧ୍ୟ ପଢନ୍ତୁ: Panchayat Poll: ଧଡରପାଳ ପଞ୍ଚାୟତରେ ଜମୁଛି ପଞ୍ଚାୟତ ନିର୍ବାଚନୀ ପ୍ରଚାର
୨୭ନମ୍ବର ଜିଲ୍ଲା ପରିଷଦ ଜୋନର ବିଭିନ୍ନ ପଞ୍ଚାୟତରେ ବିଜେପି ପକ୍ଷରୁ ପ୍ରଚାର କରା ଯାଇଛି। ଜିଲା ପରିଷଦ ପ୍ରାର୍ଥୀ ମହେଶ୍ବର ବେହେରା, ସମିତି ସଭ୍ୟ ପ୍ରାର୍ଥୀ ଦୀପ୍ତିମୟୀ ସାମଲ ଏବଂ ବଳରାମପ୍ରସାଦ ପଞ୍ଚାୟତର ସରପଞ୍ଚ ପ୍ରାର୍ଥୀ ଜୟନ୍ତୀ ସାହୁ ପ୍ରମୁଖ ନିଜ ନିଜ ସମର୍ଥକଙ୍କ ସହ ଘର ଘର ବୁଲି ପ୍ରଚାର କରିଛନ୍ତି । ଭୋଟର ମାନଙ୍କୁ ନିଜ ଆଡକୁ ଆକୃଷ୍ଟ କରିବାକୁ ପ୍ରଚାର ପତ୍ର ବଣ୍ଟନ କରିଛନ୍ତି। ସେମାନେ ବିଜୟୀ ହୋଇ ଆସିଲେ କଣ ସବୁ ଉନ୍ନତି ମୂଳକ କାର୍ଯ୍ୟ କରିବେ ବୋଲି ପ୍ରତିଶୃତି ଦେଇଛନ୍ତି। ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ମାନେ ନିଜ ନିଜ ଚିହ୍ନର ନମୁନା ହାତରେ ଧରି ବୁଲୁଥିବାର ଦେଖିବାକୁ ମିଳିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ରଥ, ଇଟିଭି ଭାରତ
