ଅନୁଗୋଳ:ବୃଦ୍ଧଙ୍କ ଉପରେ ଚଢିଗଲା ଟ୍ରକ । ଘଟଣାସ୍ଥଳରେ ବୃଦ୍ଧଙ୍କ ମୃତ୍ୟୁ ଘଟିଛି । ଘଟଣାକୁ ନେଇ ସ୍ଥାନୀ ଲୋକେ ଉତ୍ତେଜନା କରିଛନ୍ତି । ଅନୁଗୋଳ ଜିଲ୍ଲା ତାଳଚେର କଣିହାଁ ବ୍ରଜକୋଟ ଗାଁ ହାଟଛକରେ ଘଟିଛି ଏହି ଦୁର୍ଘଟଣା । ମୃତ ବୃଦ୍ଧ ଜଣକ ହେଲେ ସେହି ଗାଁର ଶଙ୍କର ନାଏକ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଏକ ପାଉଁଶ ବୋଝେଇ ଟ୍ରକ ବୃଦ୍ଧଙ୍କ ଉପରେ ମାଡିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ତେବେ ସେଆରଆଇ ଅଫିସରୁ ଖଜଣା ଦେଇ ଫେରୁଥିବା ସମୟରେ ତାଙ୍କୁ ପଛପଟୁ ଧକ୍କା ଦେଇ ତାଙ୍କ ଉପରେ ଚଢିଯାଇଥିଲା ଟ୍ରକ।କ୍ଷତିପୂରଣ ଦାବିରେ ପରିବାର ଲୋକଙ୍କ ସହ ଗ୍ରାମବାସୀ ଧାରଣାରେ ବସିଛନ୍ତି । ସେପଟେ ରେଙ୍ଗାଲି ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ତଦନ୍ତ ଆରମ୍ଭ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
