ଅନୁଗୋଳ: ତାମିଲନାଡୁରେ ଫସି ରହିଛନ୍ତି 60ରୁ ଅଧିକ ଓଡିଆ ଶ୍ରମିକ । ସମସ୍ତେ ଅନୁଗୋଳ, ବାଲେଶ୍ବର ଓ ଢେଙ୍କାନାଳ ଜିଲ୍ଲାର ହୋଇଥିବା ଜଣାପଡିଛି । ତାମିଲନାଡୁର ସାଇପୁଚ ନାମକ ଏକ ତମ୍ବା ଓ ପିତଳ ପ୍ରସ୍ତୁତକାରୀ ଘରୋଇ ସଂସ୍ଥାରେ ଏମାନେ ଶ୍ରମିକ ଭାବେ କାମ କରି ଆସୁଥିଲେ । ତେବେ ଲକଡାଉନ ଯୋଗୁଁ କାରଖାନା ବନ୍ଦ ହେବାରୁ ଏମାନଙ୍କୁ କାମରୁ ବାହାର କରିଦେଇଛି ସଂସ୍ଥା ମାଲିକ ।
ତାମିଲନାଡୁରେ ଫସିଛନ୍ତି ଓଡିଆ ଶ୍ରମିକ, ଉଦ୍ଧାର ପାଇଁ କଲେ ଭିଡିଓ ଜାରି
ଏପରି ସ୍ଥିତିରେ ବେରୋଜଗାର ଚିନ୍ତା ଏହି ଶ୍ରମିକଙ୍କୁ ମାଡି ବସିଥିବା ବେଳେ ଅନ୍ୟପଟେ ତୁରନ୍ତ ସମ୍ପୃକ୍ତ ଜାଗା ଛାଡି ଚାଲିଯିବାକୁ ଧମକ ଦେଇଛନ୍ତି ସଂସ୍ଥା । ହାତରେ ଟଙ୍କା ନଥିବାରୁ ଏବେ ଉପାୟଶୂନ୍ୟ ହୋଇପଡିଛନ୍ତି ଏହି ଶ୍ରମିକମାନେ । ସେପଟେ ନିଜ ରାଜ୍ୟକୁ ଫେରିବାକୁ ହେଲେ କେମିତି ପଞ୍ଜୀକୃତ କରାଯାଏ ତାହା ମଧ୍ୟ ସେମାନେ ଜାଣିନାହାନ୍ତି। ଏମିତିରେ କାରଖାନା ବାହାରେ ଶ୍ରମିକମାନେ ବସି ରହି ଏକ ଭିଡିଓ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଉଦ୍ଧାର ପାଇଁ ନିବେଦନ କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
