ଅନୁଗୋଳ: ଗାଁ ଦାଣ୍ଡରେ ବିଭତ୍ସ ଭାବେ ସାମ୍ବାଦିକଙ୍କ ବାପାଙ୍କୁ ଖଣ୍ଡାରେ ହାଣି ହତ୍ୟାର ରାୟ ପ୍ରକାଶ । ଦୋଷୀ ପ୍ରଫୁଲ ବିଶ୍ବାଳଙ୍କୁ ଆଜୀବନ କାରା ଦଣ୍ଡାଦେଶ ଶୁଣାଇଛନ୍ତି ତାଳଚେର ଅତିରିକ୍ତ ଜିଲ୍ଲା ଦୌରାଜଜ୍ । ସମସ୍ତ 24 ସାକ୍ଷ୍ୟ ପ୍ରମାଣକୁ ଗ୍ରହଣ କରି ଦୋଷୀକୁ 302 ଦଫାରେ ଆଜୀବନ କାରାଦଣ୍ଡ ଶୁଣାଇଛନ୍ତି କୋର୍ଟ ।
ଅଭିଯୁକ୍ତକୁ ଆଜୀବନ କାରାଦଣ୍ଡ
ପ୍ରକାଶ ଥାଉକି, 2015 ମସିହା ନଭେମ୍ବର 21ରେ ଅନୁଗୋଳ କଣିହାଁ ଥାନା ଅଞ୍ଚଳର ଅବସରପ୍ରାପ୍ତ ଶିକ୍ଷକ ମଦନ ମୋହନ ପ୍ରଧାନଙ୍କୁ ଗାଁ ଦାଣ୍ଡରେ ହାଣି ହତ୍ୟା କରିଥିଲେ ପ୍ରଫୁଲ । ମଦନ ମୋହନଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିଲେ ସୁଦ୍ଧା ସେଠାରେ ତାଙ୍କର ମୃତ୍ୟୁ ହୋଇଥିଲା । ତେବେ ସରକାରଙ୍କ ପକ୍ଷରୁ ହରେକୃଷ୍ଣ ପାତ୍ର ମାମଲାର ଦାୟିତ୍ବ ଗ୍ରହଣ କରିଥିଲେ । ସେ ସମୟର ଅନୁଗୋଳ ଜିଲ୍ଲା ପ୍ରତିନିଧି ସାମ୍ବାଦିକ ଜଗଦାନନ୍ଦ ପ୍ରଧାନଙ୍କ ବାପା ଥିଲେ ମଦନ ମୋହନ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
