ଅନୁଗୋଳ: ସଡକ ଦୁର୍ଘଟଣାରେ ଚାଲିଗଲା ଜଣଙ୍କ ଜୀବନ। ଅନୁଗୋଳରେ ଜରପଡା ଅଞ୍ଚଳରେ ଭାରସାମ୍ୟ ହରାଇ ମଟର ସାଇକେଲ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣଙ୍କ ମୃତ୍ୟୁ ଘଟିଥିବା ବେଳେ 3 ଜଣ ଆହତ ହୋଇଛନ୍ତି ।
ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ; ଜଣେ ମୃତ, 3 ଆହତ
ସୂଚନା ଅନୁଯାୟୀ, ଗୋଟିଏ ପରିବାର 4 ସଦସ୍ୟ ଅନୁଗୋଳରୁ ରେଢାଖୋଲ ଅଭିମୁଖେ ଯାଉଥିଲେ । ହେଲେ 55 ଜାତୀୟ ରାଜପଥ ଜରପଡାର ତୁକୁଡ଼ା ନିକଟରେ ରାସ୍ତା ଉପରେ ଥିବା ହମ୍ପ୍ସରେ ବାଇକଟି ଭାରସାମ୍ୟ ହରାଇ ଦୁର୍ଘଟଣାଗସ୍ତ ହୋଇଥିଲା । ଏଥିରେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ସ୍ତ୍ରୀ ଓ ଦୁଇ ଶିଶୁ ଆହତ ହୋଇଛନ୍ତି । ତେବେ ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳି ପାରିନାହିଁ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
