କମ୍ପାନୀ ଜମି ନେଲା ହେଲେ ନିଯୁକ୍ତି ଦେଲାନି: ଜମିହରାଙ୍କ ପାଇଁ ଅନଶନରେ ବସିଲେ ବିଧାୟକ

କମ୍ପାନୀ ପାଇଁ ଜମି ହରାଇଲେ । କିନ୍ତୁ ୩୦ ବର୍ଷ ପରେ ମଧ୍ୟ ମିଳିଲାନି ନିଯୁକ୍ତି । ପୂର୍ବ ଚୁକ୍ତିକୁ ମାନିବାକୁ କମ୍ପାନୀ କର୍ତ୍ତୃପକ୍ଷ ନାରାଜ । ଧାରଣାରେ ବସିଲେ ତାଳଚେର ବିଧାୟକ । ଅଧିକ ପଢନ୍ତୁ...

ଅନୁଗୋଳ: କମ୍ପାନୀ ପାଇଁ ଜମି ହରାଇଥିବା ଜମିହରାଙ୍କୁ ସେମାନଙ୍କ ନ୍ୟାୟ ଦେବା ପାଇଁ ଆନ୍ଦୋଳନରେ ଜନ ପ୍ରତିନିଧି । ଅନୁଗୋଳ ଜିଲ୍ଲା କଣିହାଁ ଠାରେ ଥିବା ରାଷ୍ଟ୍ରାୟତ ଉଦ୍ୟୋଗ NTPC ମୁଖ୍ୟ ପାଠକ ସମ୍ମୁଖରେ ଅନଶନରେ ବସିଛନ୍ତି ତାଳଚେର ବିଧାୟକ ବ୍ରଜକିଶୋର ପ୍ରଧାନ।

ଅନୁଗୋଳ ଜିଲାର କଣିହାଁ ଠାରେ ଥିବା NTPC ପାୱାର ପ୍ଲାଣ୍ଟ ପାଇଁ ଜମି ହରାଇଥିବା ପରିବାରଙ୍କୁ 30 ବର୍ଷ ହେବ ନିଯୁକ୍ତି ମିଳିନି । ନିଯୁକ୍ତି ଦେବା ନେଇ RPDACରେ ନିଷ୍ପତ୍ତି ହୋଇଥିଲେ ମଧ୍ୟ ଉଦ୍ୟୋଗ କର୍ତ୍ତୃପକ୍ଷ ଏହାକୁ ମାନୁ ନାହାନ୍ତି । ଜମିହରାଙ୍କୁ ନିଯୁକ୍ତି ଦେବାନେଇ ସ୍ଥାନୀୟ ବିଧାୟକ ବିଭିନ୍ନ ଉଚ୍ଚ କର୍ତ୍ତୃପକ୍ଷ ଏପରିକି NTPC ପରିଚାଳନା ନିର୍ଦ୍ଦେଶକଙ୍କୁ ଭେଟି ଦାବି ଜଣାଇଥିଲେ ବି କେହି ନ ଶୁଣିବାରୁ ବାଧ୍ୟ ହୋଇ ଅନଶନରେ ବସିଥିବା ବିଧାୟକ କହିଛନ୍ତି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ