ଅନୁଗୋଳ: କୋରୋନା ପାଇଁ ସବୁଠି ଚିନ୍ତା । କେନ୍ଦ୍ର ଓ ରାଜ୍ୟ ସରକାରଙ୍କ ସମ୍ପୂର୍ଣ୍ଣ ଲକଡାଉନ ଘୋଷଣା ପରେ ଚାରିଆଡେ ପୋଲିସ ଛାଉଣି । ସହରର ବିଭିନ୍ନ ପ୍ରବେଶ ପଥ ଠୁ ଆରମ୍ଭ କରି ଜଣ ଗହଳିପୂର୍ଣ୍ଣ ସ୍ଥାନରେ ପୋଲିସ ଦିନ ରାତି ପଇଁତରା ମାରୁଛି ।
କୋରୋନା ଲକଡାଉନ: ୬୬ଟି ସ୍ଥାନରେ ଅନୁଗୋଳ ପୋଲିସର ନାକାବନ୍ଦୀ
କୋରନାକୁ ନେଇ ସାରା ଦେଶ ଏବେ ଲକ ଡାଉନ। ଏଥିରୁ ବାଦ ପଡିନି ଅନୁଗୋଳ ଜିଲ୍ଲା । ପୁରା ଜିଲ୍ଲାରେ ସବୁଠି ପୋଲସ ସତର୍କ ପ୍ରହରୀ ପରି ଜଗି ରହିଛି । ଲୋକଙ୍କୁ ଘରୁ ନବାହାରିବାକୁ ସଚେତନ କରିବା ସହ ଯେଉଁମାନେ ଆଇନକୁ ଅବମାନନା କରୁଛନ୍ତି ସେମାନଙ୍କ ବିରୋଧରେ କଡା ପଦକ୍ଷେପ ନିଆଯାଉଛି। ପୁରା ଜିଲ୍ଲାରେ 66ଟି ସ୍ଥାନରେ ପୋଲିସ ପକ୍ଷରୁ ଯାଞ୍ଚ କରାଯାଉଛି । ଏହାସହ ବିନା କୌଣସି କାମରେ ବାହାରକୁ ନ ବାହାରିବାକୁ କୁହାଯାଉଛି। ଅତ୍ୟାବଶ୍ୟକ ସ୍ଥଳେ ପାଟ୍ରୋଲିଂ ମଧ୍ୟ କରାଯାଉଥିବା ଅନୁଗୋଳ ଏସପି ସୂଚନା ଦେଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
