ଅନୁଗୋଳ: ଅନୁଗୋଳରେ ବଢି ଚାଲିଛି ନିଶା କାରବାର । ଯାହାକୁ ରୋକିବାକୁ ପୋଲିସ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି । ବିଭିନ୍ନ ଅଞ୍ଚଳରେ ନିଶା କାରବାର ବଢି ଚାଲିଥିବା ବେଳେ ସମଲ ଥାନା ପୋଲିସକୁ ମିଳିଛି ଏକ ବଡ ସଫଳତା । ୫ ଜଣ ନିଶା ମାଫିଆଙ୍କୁ ଗିରଫ କରିଛି ପୋଲିସ । ଗିରଫ ପରେ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
ଏହାବି ପଢନ୍ତୁ: ସାରଥୀ ଆଶ୍ରମ ଖୋଲିବା ପଛରେ କିଏ, ବିଭିନ୍ନ ମହଲରୁ ବିରୋଧ
ସୂଚନା ଅନୁସାରେ, ସମଲ ଥାନା ପୋଲିସ ପକ୍ଷରୁ ରାତିରେ ବିଭିନ୍ନ ସ୍ଥାନରେ ପାଟ୍ରୋଲିଂ କରାଯାଉଥିଲା । କିଛି ଜାଗାରେ ବ୍ରାଉନ ସୁଗାର୍ ଓ ନିଷେଧ ହୋଇଥିବା କୋଡ଼ିନ ମିଶା କାଶ ଔଷଧ (କୋରେକ୍ସ) ବିକ୍ରୟ ହେଉଥିବା ଖବର ପାଇଥିଲା ପୋଲିସ । ପରେ ସେହି ସ୍ଥାନ ଗୁଡିକରେ ଚଡାଉ କରି ବିପୁଳ ପରିମାଣର କଫ ସିରଫ ଓ ବ୍ରାଉନସୁଗାର ଜବତ କରିବା ସହ ୫ ଜଣଙ୍କୁ ଗିରଫ କରିଥିଲା ପୋଲିସ । ଗିରଫ ବ୍ୟକ୍ତିଙ୍କ ମଧ୍ୟରେ ଟିପୋ ଗାଁର ଦୁଇ ଜଣକ ଠାରୁ ୭୯ଟି କାଶ ଔଷଧ ଏବଂ ପାରାବିଲ ଗାଁର ତିନି ଜଣଙ୍କ ଠାରୁ ୫ ଗ୍ରାମବ୍ରାଉନ ସୁଗାର ଜବତ କରିଥିଲେ । ପରେ ଏଥିସହିତ ଜଡିତ ୫ଜଣକୁ ଗିରଫ କରି କୋର୍ଟ ଚାଲାଣ କରିଛି ସମଲ ପୋଲିସ ।
ଇଟିଭି ଭାରତ,ଅନୁଗୋଳ
