ଅନୁଗୋଳ: ଓଡିଶା ବିଧାନସଭାର ଷ୍ଟାଣ୍ଡିଂ କମିଟି ନଂ 4 ଆଜି ଅନୁଗୋଳ ଜିଲ୍ଲା ଗସ୍ତରେ ଆସି ଜିଲାର ଶିକ୍ଷା ବ୍ୟବସ୍ଥା କିଭଳି ଚାଲିଛି ତାର ତଦାରଖ କରିଛନ୍ତି। ବିଶେଷ କରି କୋଭିଡ ପରେ ଯେଉଁ ସବୁ ସ୍କୁଲ ଓ +2 କଲେଜ ଖୋଲା ଯାଇଛି ସେଠାରେ କିଭଳି ଶତପ୍ରତିଶତ ଉପସ୍ଥାପନ ରହିବ ସେଥିପ୍ରତି ଦୃଷ୍ଟି ଦେବାକୁ କମିଟି ଜିଲାପାଳ ଓ ଶିକ୍ଷା ବିଭଗକୁ ପରାମର୍ଶ ଦେଇଛି।
ବିଧାୟକ ଭୂପିନ୍ଧର ସିଂଙ୍କ ଅଧକ୍ଷତାରେ ଆସିଥିବା ଏହି କମିଟି ଜିଲା ର ପ୍ରଦକ୍ଷିଣ ଗୃହରେ ଏକ ସମୀକ୍ଷା ବୈଠକରେ ସାମିଲ ହୋଇଥିଲେ। ଯେଉଁ ସବୁ ସ୍କୁଲକୁ ମିଶ୍ରଣ କରାଯାଇଛି ସେଥିପାଇଁ ଜିଲ୍ଲାପାଳ ଓ ସ୍ଥାନୀୟ ବିଧାୟକ ମାନଙ୍କ ପରାମର୍ଶ ଆଧାରରେ ମିଶ୍ରଣ କରିବାକୁ କମିଟି ସଦସ୍ୟ ମାନେ ଜିଲ୍ଲା ଶିକ୍ଷା ବିଭାଗକୁ ପରାମର୍ଶ ଦେଇଥିଲେ।
ସେହିପରି ବିଦ୍ୟାଳୟ ମାନଙ୍କରେ ଆନୁଷଙ୍ଗିକ ବ୍ୟବସ୍ଥା ଓ ଭିତ୍ତିଭୂମି ସୁଧାରିବାକୁ ମଧ୍ୟ ବିଭାଗୀୟ ଅଧିକାରୀ ମାନଙ୍କୁ କମିଟି ସୁପାରିଶ କରିଥିଲା। ଏହି କମିଟିରେ ବିଧାୟକ ମୁକେଶ ପାଲ, ଶଙ୍କର ଓରାମ, ଓ ସୀମାରଣୀ ନାୟକ ପ୍ରମୁଖ ସଦସ୍ୟ ମାନେ ସାମିଲ ଥିଲେ। ଏହା ଛଡା ହୋଇଥିବା ସମୀକ୍ଷା ବୈଠକରେ ଉପ ବାଚସ୍ପତି ରଜନୀକାନ୍ତ ସିଂ ଯୋଗ ଦେଇଥିବା ବେଳେ ଜିଲ୍ଲାପାଳ ସିଦ୍ଧାର୍ଥ ସଙ୍କର ସ୍ବାଇଁ ଓ ବିଭାଗୀୟ ଅଧିକାରୀ ମାନେ ସାମିଲ ହୋଇଥିଲେ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
