ଅନୁଗୋଳ: ଗୋଣ୍ଡ ସମ୍ପ୍ରଦାୟ ପାଳିଲେ ନୂଆଖାଇ । ରଙ୍ଗାରଙ୍ଗ କାର୍ଯ୍ୟକ୍ରମ, ନାଚ ଗୀତ ଗୀତର ମାହୋଲରେ ଝୁମିବା ପାଳିଛନ୍ତି ନୂଆଖାଇ ପର୍ବ । ଅନୁଗୋଳ ଜିଲ୍ଲା କୋଶଳା ରାମଚଣ୍ଡିଙ୍କ ପଡିଆରେ ଅଖିଳ ଭାରତୀୟ ଗୋଣ୍ଡୱାନା ଗୋଣ୍ଡ ମହାସଭା ଆନୁକୁଲ୍ୟରେ ଏହି ରାଜ୍ୟସ୍ତରୀୟ ନୂଆଖାଇ ଭେଟଘାଟ ପାଳିତ ହୋଇଯାଇଛି ।
ଏହି ସଭାରେ ରାଜ୍ୟର ପ୍ରତ୍ୟକ ଜିଲ୍ଲାରୁ ଗୋଣ୍ଡ ସମ୍ପ୍ରଦାୟର ଲୋକମାନେ ଯୋଗଦେଇ କଳସ ଯାତ୍ରା କରିବା ସହିତ ଗୋଁଣ୍ଡୱାନା ଈଷ୍ଠଦେବୀଙ୍କୁ ପୂଜା ଅର୍ଚ୍ଚନା କରିଛନ୍ତି । ଗୋଣ୍ତ ମାନଙ୍କ ପାରମ୍ପାରିକ ନୃତ୍ୟ ପରିବେଷଣ କରିବା ସହ ଏହି ପରିପ୍ରେକ୍ଷିରେ ଅତିଥି ମାନଙ୍କ ଦ୍ବାରା ଗୋଣ୍ଡ ସମ୍ପ୍ରଦାୟର ୬୦ ଶତକଡା ନମ୍ବର ରଖିଥିବା ଛାତ୍ରଛାତ୍ରୀ ମାନଙ୍କୁ ମାନପତ୍ର ଦେଇ ସମ୍ମାନିତ କରାଯାଇଥିଲା ।
ଏହି କାର୍ଯ୍ୟକ୍ରମ ଦୁଇଦିନ ଧରି ଚାଲିଥିଲା । ଏହି ଗୋଣ୍ତ ମହାସଭାରେ ସାସଂଦ ନବରଙ୍ଗପୁର ରମେଶ କୁମାର ମାଝୀ ,ଢେ଼ଙ୍କାନାଳ ସାଂସଦ ମହେଶ ସାହୁ,ଆଠମଲ୍ଲିକ ବିଧାୟକ ରମେଶ ସାଏ,ଛେଣ୍ତିପଦା ବିଧାୟକ ସୁଶାନ୍ତ କୁମାର ବେହେରା,କୁଚିଣ୍ଡା ପୂର୍ବତନ ବିଧାୟକ ରବିନାରାୟଣ ନାଏକ ପ୍ରମୁଖ ଉପସ୍ଥିତ ଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
