ଅନୁଗୋଳ: ରାଜାରାଜୁଡା ସମୟରୁ ଦେବୀ ଦୁର୍ଗାଙ୍କୁ ଆରାଧନା କରିଆସୁଥିବା ଗଡ଼ତରାସ ଗ୍ରାମବାସୀ ଏଥର ପାଳିବେ ନାହିଁ ଦଶହରା । କୋଭିଡ କଟକଣାକୁ ମାନି ସଂକ୍ରମଣକୁ ରୋକିବା ଦିଗରେ ଗୋଟିଏ ପାଦ ଆଗକୁ ଯାଇ ଏଥର ମା’ ଙ୍କ ପୂଜା ପାଳନ ନ କରିବାକୁ ନିଷ୍ପତ୍ତି ନେଇଛନ୍ତି ଗ୍ରାମବାସୀ । ଅନୁଗୋଳ ଜିଲ୍ଲାର ଗଡ଼ତରାସ ଗାଁ ରେ ଆଠଟି ମଣ୍ଡପରେ ମା ଦୁର୍ଗାଙ୍କ ଆରାଧନା କରାଯାଏ । ମା’ଙ୍କ ସ୍ବତନ୍ତ୍ର ମୃଣ୍ମୟୀ ମୂର୍ତ୍ତି ନିର୍ମାଣ କରି ଲୋକେ ପୂଜା କରନ୍ତି ।
ଗଡ଼ଜାତ ଗାଁ ଲୋକେ ଏଥର ପାଳିବେନି ଦଶହରା
ଏହା ଛଡା ଅଷ୍ଟମୀ ଠାରୁ ଦଶମୀ ପର୍ଯ୍ୟନ୍ତ ଗାଁ ରେ ଥିବା ପିଠରେ ସ୍ବତନ୍ତ୍ର ପୂଜାର୍ଚ୍ଚନା କରାଯାଏ । କିନ୍ତୁ ଏଥର ଆଡମ୍ବରର ସହ ପାଳନ ନ କରିବାକୁ ଗାଁ ଲୋକେ ନିଷ୍ପତ୍ତି ନେଇଛନ୍ତି । କେବଳ ବିଧୁ ରଖିବାକୁ 5 ରୁ 7 ଜଣକ ମଧ୍ୟରେ ମାଁଙ୍କ ଛୋଟ ମାଟିର ମୂର୍ତ୍ତି କିଣି ପୂଜା କରିବେ ଏହି ଗାଁ ଲୋକେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
