ଅନୁଗୋଳ: ବନାଞ୍ଚଳର କୁଲସର ଗାଁରେ ହାତୀ ଆକ୍ରମଣରେ ଜଣେ ଚାଷୀଙ୍କ ମୃତ୍ୟୁ ଘଟିଛି । ସେ କ୍ଷେତ ଜଗିଥିବା ବେଳେ ତାଙ୍କୁ ଦନ୍ତା ହାତୀ ଦଳିଦେବାରୁ ତାଙ୍କର ମୃତ୍ୟୁ ଘଟିଛି । ସେପଟେ ସରକାରୀ ନିୟମ ଅନୁସାରେ ମୃତକଙ୍କ ପରିବାରକୁ କ୍ଷତିପୂରଣ ଦିଆଯିବ ବୋଲି ବନ ବିଭାଗ ଅଧିକାରୀ ସୂଚନା ଦେଇଛନ୍ତି ।
ମୃତ ଚାଷୀ ଜଣକ ହେଲେ ପ୍ରକାଶ ସାହୁ । ସେ ଅନ୍ୟ ୨ ଜଣଙ୍କ ସହ ଗତକାଲି(ଗୁରୁବାର) ରାତିରେ ଧାନ ଜଗିବାକୁ ଯାଇ ମଞ୍ଚାରେ ଶୋଇ ଥିଲେ । ହଠାତ ଏକ ଦନ୍ତା ହାତୀ ଆସି ମଞ୍ଚା ଭାଙ୍ଗିଦେବା ସହ ସମସ୍ତଙ୍କୁ ଆକ୍ରମଣ କରିଥିଲା । ତେବେ ଅନ୍ୟ ୨ ଜଣ କୌଶଳକ୍ରମେ ସେଠାରୁ ଦୌଡ଼ି ପଳାଇ ଆସିଥିଲେ ।
କିନ୍ତୁ ଅଶୋକ ସେଠାରେ ଖସି ପଡ଼ିଥିଲେ । ଫଳରେ ହାତୀ ତାଙ୍କୁ ଦଳି ଚକଟି ମାରି ଦେଇଥିଲା । ଖବର ପାଇ ଅନୁଗୋଳ ରେଞ୍ଜର ଏବଂ ପୁରୁଣାକୋଟ ଥାନା ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଥିଲେ । ତେବେ ସରକାରୀ ନିୟମ ଅନୁସାରେ ମୃତକଙ୍କ ପରିବାରକୁ କ୍ଷତିପୂରଣ ଦିଆଯିବ ବୋଲି ବନ ବିଭାଗ ଅଧିକାରୀ ପରିବାରକୁ ସୂଚନା ଦେଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
