ଅନୁଗୋଳ: ଘରେ ବାଣ ମହଜୁଦ ରଖିବା ହେଲା କାଳ । ବାଣ ବିସ୍ଫୋରଣ ଘଟି ଘରର ଛପର ଉଡିଯାଇଥିବାବେଳେ ବଡ ଧରଣର ବିପତ୍ତିରୁ ବର୍ତ୍ତି ଯାଇଛନ୍ତି ପରିବାର ଲୋକେ । ଢେଙ୍କାନାଳ ଜିଲା ଟାଉନ ଥାନା ଅଞ୍ଚଳରେ ଘଟିଛି ଏହି ବାଣ ବିସ୍ଫୋରଣ । ଥାନାର କୁମ୍ଭାର ସାହିର ବିନୋଜ ସାହୁଙ୍କ ଘରେ ହୋଇଛି ଏହି ବିସ୍ଫୋରଣ ଘଟିଥିବା ଜଣାପଡିଛି ।
ଭିଡିଓ ସୌଜନ୍ୟ- ସମ୍ବାଦଦାତା, ଅନୁଗୋଳ
ଯେଉଁଥିରେ ବିନୋଜଙ୍କ ସମେତ ତାଙ୍କ ସ୍ତ୍ରୀ ମମତା ଓ ପୁଅ ଦେବାଶିଷ ସାମାନ୍ୟ ଆହତ ହୋଇଛନ୍ତି । ଖବର ପାଇ ଦମକଳ ବାହିନୀ ସହ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରିଛି । ତେବେ କେତେ ପରିମାଣରେ ବାଣ ମହଜୁଦ ଥିଲା ଓ କାହିଁକି ଥିଲା ତାହା ଜଣା ପଡ଼ିନାହିଁ ?
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
