ଅନୁଗୋଳ: ଜିଲ୍ଲାର ବିଦ୍ୟୁତ ଉପଭୋକ୍ତାଙ୍କ ପାଇଁ ଆରମ୍ଭ ହୋଇଛି ଗ୍ରାହକ ସେବା କେନ୍ଦ୍ର । ଆଉ ଏହା ମାଧ୍ୟମରେ ଲୋକେ ବିଭିନ୍ନ ସମସ୍ୟାର ସମ୍ମୁଖୀନ ନ ହେବା ସହ ହାତ ପାଆନ୍ତାରେ ପାଇପାରିବେ ବିଦ୍ୟୁତ ସେବା । ଏନେଇ ବିଦ୍ୟୁତ ଡିଭିଜନରେ ଆରମ୍ଭ ହୋଇଛି ଗ୍ରାହକ ସେବା କେନ୍ଦ୍ର । ଜିଲ୍ଲାରେ ବିଦ୍ୟୁତ ସରବରାହ ସେବା ଯୋଗାଣ କାର୍ଯ୍ୟ ଟାଟା ପାୱାରକୁ ହସ୍ତାନ୍ତର ହେବା ପରେ ଗ୍ରାହକଙ୍କ ପାଇଁ ପ୍ରଥମ କରି କମ୍ପାନୀ ତରଫରୁ ଏହି ସେବାର ଆରମ୍ଭ କରାଯାଇଛି ।
ତେବେ ବିଦ୍ୟୁତ ସେବା ସମ୍ପର୍କିତ କୌଣସି ସେବା ପାଇବାରୁ ଯଦି ଗ୍ରାହକ ବଞ୍ଚିତ ହୁଅନ୍ତି, ତେବେ ଏହି ଗ୍ରାହକମାନେ ୧୯୧୨ ନମ୍ବରକୁ ଡାଏଲ କରି ଏହି ସେବା କେନ୍ଦ୍ରର ସହାୟତା ନେଇପାରିବେ । ଆଜି (ବୁଧବାର) ଏହି କେନ୍ଦ୍ରକୁ ରାଜ୍ୟ ବିଧାନସଭାର ଉପ ବାଚସ୍ପତି ରଜନୀକାନ୍ତ ସିଂ ଉଦଘାଟନ କରିଛନ୍ତି । ଆଉ ସେବା କେନ୍ଦ୍ରକୁ କିଭଳି ବିଦ୍ୟୁତ ଉପଭୋକ୍ତା ଓ ଟାଟା ପାୱାର ମଧ୍ୟରେ ଯୋଗାଯୋଗର ସୂତ୍ର ସ୍ଥାପନ ହେବ ସେ କ୍ଷେତ୍ରରେ ଲୋକଙ୍କୁ ସେବା ଯୋଗାଇବ । ତା ସହିତ ଯେପରି କୌଣସି ଉପଭୋକ୍ତା ସେବାରୁ ବଞ୍ଚିତ ନ ହୁଅନ୍ତି, ସେ ଉପରେ ଟାଟା ପାୱାର କର୍ମଚାରୀମାନେ ଧ୍ୟାନ ଦେବାକୁ ପରାମର୍ଶ ଦେଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
