ଅନୁଗୋଳ: ଜିଲ୍ଲାର ତାଳଚେର ସ୍ଥିତ ଆଦର୍ଶ ବିଦ୍ୟାଳୟରେ କରାଯାଇଥିବା କୋଭିଡ କେୟାର ସେଣ୍ଟରରେ ଅବ୍ୟବସ୍ଥା । ଅଭିଯୋଗରେ ଶତାଧିକ ରୋଗୀଙ୍କ ଧାରଣା । ଧାରଣା ଦେଇଥିବା ରୋଗୀମାନେ ଅଭିଯୋଗ କରିଛନ୍ତିଯେ, ସେମାନଙ୍କୁ ଆଣି ସେଠାରେ କେବଳ ରଖିଦିଆଯାଇଛି । ଖାଇବାକୁ ସଠିକ ସମୟରେ ଦିଆଯାଉନାହିଁ । ଜଣେ କେହି କର୍ମଚାରୀ ଔଷଧ ଆଣି ଫୋପାଡ଼ି ଦେଇ ଚାଲି ଯାଇଛନ୍ତି । ଔଷଧ କେମିତି କେତେବେଳେ ଖାଇବେ ସେନେଇ କିଛି କହୁ ନାହାନ୍ତି । ପରିମଳ ପ୍ରତି ଆଦୌ ଦୃଷ୍ଟି ଦିଆଯାଉ ନାହିଁ।
କୋଭିଡ କେୟାର ସେଣ୍ଟରରେ ଅବ୍ୟବସ୍ଥା ଅଭିଯୋଗ
ଏହାସହ ପାନୀୟ ଜଳର ସୁବିଧା ନାହିଁ । ଏଠାରେ ରହୁଥିବା ରୋଗୀମାନେ ସୁସ୍ଥ ହେବା ପରିବର୍ତ୍ତେ ଆହୁରି ଅସୁସ୍ଥ ହୋଇ ପଡୁଛନ୍ତି । ଏଠାରେ ମୃତଦେହ ଦୁଇ ଦିନ ହେଲା ପଡି ରହିଥିଲେ ମଧ୍ୟ କେହି ଆସି ଉାଠାଉନାହାନ୍ତି । ଏଠାରେ କୌଣସି ପ୍ରକାର ସୁବିଧା ନାହିଁ । ଖବରପାଇ ଅନୁଗୋଳ ସିଡିଏମଓ ନିଜେ ଯାଇ ସେମାନଙ୍କୁ ବୁଝାସୁଝା କରିଛନ୍ତି ।
ଅନୁଗୋଳରୁ ସଂଗ୍ରାମ ରଂଜନ ନାଥ, ଇଟିଭି ଭାରତ
