ଅନୁଗୋଳ: ଜିଲ୍ଲା ହଣ୍ଡପା ଥାନା 55 ନମ୍ବର ଜାତୀୟ ରାଜପଥର ଛେଳିଆଢିପ ନିକଟରେ ସଡକ ଦୁର୍ଘଟଣା ଘଟିଛି । ଭାରସାମ୍ୟ ହରାଇ ଏକ ବସ ଓଲଟି ପଡିବାରୁ 20 ଜଣ ଯାତ୍ରୀ ସାମାନ୍ୟ ଆହତ ହୋଇଛନ୍ତି । ବସରେ ଥିବା ଅନ୍ୟ ଯାତ୍ରୀ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ।
ଭିଡିଓ ସୌଜନ୍ୟ :ସମ୍ବାଦଦାତା, ଅନୁଗୋଳ
ସୂଚନାନୁସାରେ, ଆଜି ଭୋରୁ ଭୁବନେଶ୍ବରରୁ ସୁନ୍ଦରଗଡ ଅଭିମୁଖେ ଯାଉଥିବା 'ସୀତାରାମ ବସ' ଭାରସାମ୍ୟ ହରାଇ ରାସ୍ତା କଡରେ ଥିବା ଜମିକୁ ଓଲଟି ପଡିଥିଲା । ଦୁର୍ଘଟଣା ସମୟରେ ବସରେ ପ୍ରାୟ 35 ଜଣ ଯାତ୍ରୀ ଥିଲେ । ତନ୍ମଧ୍ୟରୁ 20 ଜଣ ଯାତ୍ରୀ ସାମାନ୍ୟ ଆହତ ହୋଇଛନ୍ତି । ତେବେ ଆହତଙ୍କୁ ସ୍ଥାନୀୟବାସିନ୍ଦା ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଛନ୍ତି । ସେପଟେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
