ଅନୁଗୋଳ: ରାସ୍ତାକଡରେ ପଡିଛି ଦୁଇ ଯାଆଁଳା ନବଜାତ ଶିଶୁର ମୃତଦେହ । କାଉ ଓ କୁକୁର ଖାଉଥିବା ବେଳେ ଦେଖିଲେ ଲୋକେ । ଜନ୍ମ ପରେ କେହି ଫିଙ୍ଗି ଦେଇଥିବା ସନ୍ଦେହ । ଅନୁଗୋଳ ଜିଲ୍ଲାର ବଅଁରପାଳ ଥାନା ମୈଧରପୁର ଉପର ସାହିରେ ଦେଖିବାକୁ ମିଳିଛି ଏଭଳି ଲୋମଟାଙ୍କୁରା ଦୃଶ୍ୟ ।
ଆଜି ସକାଳେ ଗାଁର କିଛି ଲୋକେ ତାଙ୍କ ଗାଁ ରାସ୍ତା କଡରେ ଥିବା ଏକ ପରିତ୍ୟକ୍ତ ସ୍ଥାନରେ କାଉ ଓ କୁକୁର କଣ ଖାଉଥିବା ଦେଖିଥିଲେ । ସନ୍ଦେହ ହେବାରୁ ପାଖକୁ ଯାଇ ଦେଖିବାବେଳେକୁ ଦୁଇ ଜନ୍ମିତ ଶିଶୁଙ୍କ ମୃତଦେହ ଦେଖିବାକୁ ପାଇଥିଲେ । କେହି ଯାଆଁଳା ଶିଶୁ ଜନ୍ମ ପରେ ଏଠାରେ ଫିଙ୍ଗି ଦେଇଥିବା ସନ୍ଦେହ କରାଯାଉଛି ।
ତେବେ ପାଖରେ କୌଣସି ହସ୍ପିଟାଲ କିମ୍ବା ନର୍ସିଂହୋମ ନଥିବାରୁ ଏହା କୌଣସି ବାହାର ସ୍ଥାନର ହୋଇ ଥାଇପାରେ ବୋଲି ସନ୍ଦେହ କରାଯାଉଛି । ତେବେ ଶିଶୁ ଦୁଇଟିର କେତେକ ଅଙ୍ଗ ପ୍ରତ୍ୟଙ୍ଗ କୁକୁର ଓ କାଉ ଖାଇ ଦେଇଥିବାରୁ ସେମାନେ ପୁତ୍ର କି କନ୍ୟା ତାହା ଜଣା ପଡିନାହିଁ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
