ଅନୁଗୋଳ: ସ୍ଥାୟୀ ନିଯୁକ୍ତି ଦାବିରେ ରକ୍ତ ଭଣ୍ଡାର କର୍ମଚାରୀଙ୍କ ଆନ୍ଦୋଳନ । ଶୁକ୍ରବାରଠୁ ସାତ ଦିନ ପର୍ଯ୍ୟନ୍ତ କଳାବ୍ୟାଚ ପିନ୍ଧି ପ୍ରତିବାଦ କରିବେ ବ୍ଲଡବ୍ୟାଙ୍କରେ କାର୍ଯ୍ୟରତ କର୍ମଚାରୀ । ଅନୁଗୋଳ ରକ୍ତ ଭଣ୍ଡାରର କର୍ମଚାରୀ କଳାବ୍ୟାଚ ପିନ୍ଧି ନିଜର ଦାବି ରଖିଛନ୍ତି ।
ଆର୍ଥିକ ଅନାଟନରେ ରକ୍ତ ଭଣ୍ଡାର କର୍ମଚାରୀ, କଳାବ୍ୟାଚ ପିନ୍ଧି ପ୍ରତିବାଦ
ସୂଚନା ଅନୁସାରେ, କାର୍ଯ୍ୟରତ କର୍ମଚାରୀମାନେ 20 ରୁ 25 ହେବ ଖୁବ କମ୍ ଦରମାରେ ଠିକାରେ କାମ କରୁଛନ୍ତି । 2017 ମସିହାରୁ ରାଜ୍ୟ ସରକାର ରକ୍ତ ଭଣ୍ଡାରକୁ ନିଜ ଅଧୀନକୁ ନେଇଥିବା ବେଳେ ଏଥିରେ କାର୍ଯ୍ୟ କରୁଥିବା କର୍ମଚାରୀଙ୍କ ପ୍ରତି ଦୃଷ୍ଟି ପଡୁନାହିଁ । ପରିଣାମ ସ୍ବରୂପ ସବୁ ସମୟରେ ଲୋକଙ୍କ ଜୀବନ ବଞ୍ଚାଇବା କାର୍ଯ୍ୟରେ ନିୟୋଜିତ କର୍ମଚାରୀ ଅର୍ଥ ଅଭାବରୁ ମଧ୍ୟ ମୃତ୍ୟୁବରଣ କରିଛନ୍ତି । ଏନେଇ ଏଭଳି ଏକ ସମ୍ବେଦନଶୀଳ ଘଟଣା ଉପରେ ସରକାର ତୁରନ୍ତ ଦୃଷ୍ଟି ଦେବାକୁ ସେମାନେ ଦାବି କରିଛନ୍ତି ।
ଇଟିଭି ଭାରତ,ଅନୁଗୋଳ
