ଅନୁଗୋଳ: ପୌର ନିର୍ବାଚନକୁ ନେଇ ରାଜନୀତି ବେଶ ସରଗରମ ହେବାକୁ ଲାଗିଲାଣି । ପୌର ନିର୍ବାଚନ ଯେତିକି ପାଖଉଛି ଡୋର ଟୁ ଡୋର କ୍ୟାମ୍ପେନ ସେତିକି ଜୋରଦାର ହେଉଛି । ଘରକୁ ଘର ଯାଇ ଭୋଟରଙ୍କୁ ମନେଇବା ପାଇଁ ପ୍ରାର୍ଥୀ ପ୍ରାର୍ଥିନୀ ଏବେ ନିର୍ବାଚନୀ ମଇଦାନରେ । ପ୍ରଚାରକୁ ନେଇ ହାତରେ ମାତ୍ର ଆଉ ଗୋଟିଏ ଦିନ ରହିଥିବାରୁ ତିନି ରାଜନୈତିକ ଦଳ ପ୍ରଚାରକୁ ଜୋରଦାର କରିଛନ୍ତି ।
ଆଠମଲ୍ଲିକରେ ବିଜେଡି ପକ୍ଷରୁ ମାରାଥନ ପ୍ରଚାର ଚାଲିଛି । ବିଜେଡି ପ୍ରଚାରର ମଙ୍ଗ ଧରିଥିବା ବରିଷ୍ଠ ନେତା ନଳିନୀ ପ୍ରଧାନ ଅଧ୍ୟକ୍ଷା ପ୍ରାର୍ଥୀ ଆଶା କୁମାରୀ ସାହୁ ଓ ସମସ୍ତ ୧୧ଟି ଯାକ ୱାର୍ଡର କାଉନସିଲର ମାନଙ୍କୁ ଧରି ବ୍ୟାପକ ପ୍ରଚାର କରିଛନ୍ତି । ଅନୁଗୋଳ ଜିଲ୍ଲାର ଏକ ମାତ୍ର ବିଜ୍ଞାପିତ ଅଞ୍ଚଳ ପରିଷଦ ଆଠମଲ୍ଲିକରେ ପୌର ନିର୍ବାଚନ ପ୍ରଚାର କରିଛନ୍ତି ବିଜେଡ଼ି ନେତା ନଳିନୀ ପ୍ରଧାନ ।
ନଳିନୀ ଆଠମଲ୍ଲିକ NACର ନିର୍ବାଚନ ପରିଚାଳନା ଦାୟିତ୍ବରେ ଥିବା ବେଳେ NAC ଦଖଲ ପାଇଁ ନିଜର ରଣ କୌଶଳ ଆପଣେଇଛନ୍ତି । ଦଳୀୟ ଅଧ୍ୟକ୍ଷ ପ୍ରାର୍ଥୀ ସୀତା କୁମାରୀଙ୍କ ସହ ସମସ୍ତ ୧୧ଟି ୱାର୍ଡର କାଉନସିଲର ମାନଙ୍କ ପାଇଁ ଭୋଟ ମାଗିଛନ୍ତି ନଳିନୀ । ଏହା ବ୍ୟତୀତ ସ୍ଥାନେ ସ୍ଥାନେ ପଥପ୍ରାନ୍ତ ସଭା କରି ମଧ୍ୟ ଭୋଟରଙ୍କ ମନ ଜିଣିବାକୁ ଚେଷ୍ଟା କରୁଛନ୍ତି ନଳିନୀ । ରବିବାର ସନ୍ଧ୍ୟାରେ ନଳିନୀଙ୍କ ସହ ହଜାର ହଜାର ସମର୍ଥକ ମଧ୍ୟ ପଦ ଯାତ୍ରାରେ NAC 8 ନମ୍ବର ,9ନମ୍ବର ଓ 10ନମ୍ବର ୱାର୍ଡ ପରିକ୍ରମା କରି ଭୋଟଭିକ୍ଷା କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
