ଅନୁଗୋଳ: ଶେଷରେ ସବୁ ଅପେକ୍ଷାର ଅନ୍ତଃ ଘଟିଲା । ଅନୁଗୋଳବାସୀଙ୍କ ସବୁ ଅପେକ୍ଷା ଶେଷରେ ପୂର୍ଣ୍ଣ ହୋଇଛି । ତେବେ ଅନୁଗୋଳରେ ଅଡିଟୋରିୟମ ନଥିବାରୁ ଅଡିଟୋରିୟମ ନିର୍ମାଣ ପାଇଁ ଦାବି ହୋଇଆସୁଥିଲା ।
ଫଳରେ ନିର୍ମାଣ ଶେଷ ପରେ ଆଜି ସର୍ବସାଧାରଣଙ୍କ ଲାଗି ଏହାର ଲୋକାର୍ପଣ ହୋଇଛି । ଆଜି ଏହାକୁ ଆନୁଷ୍ଠାନିକ ଭାବେ ଅନୁଗୋଳ ବିଧାୟକ ତଥା ଓଡିଶା ବିଧାନସଭାର ଉପବାଚସ୍ପତି ରଜନୀକାନ୍ତ ସିଂହଙ୍କ ଦ୍ବାରା ଜନସାଧାରଣଙ୍କ ଉଦ୍ଦେଶ୍ୟରେ ଲୋକାର୍ପଣ କରିଛନ୍ତି । ଏହି ଅଡିଟୋରିୟମ ଜିଲ୍ଲା ଖଣିଜ ପାଣ୍ଠିରୁ ୮ କୋଟି ଟଙ୍କା ବ୍ୟୟରେ ନିର୍ମାଣ ହୋଇ ଗତ ୨୦୨୧ ନଭେମ୍ବର ମାସ ୨୦ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁଗୋଳ ଜିଲ୍ଲା ଗସ୍ତରେ ଆସି ଏହାକୁ ଉଦଘାଟନ କରିଥିଲେ ।
ତେବେ ୩ ମହଲା ବିଶିଷ୍ଟ ଏହି ନୂତନ ଅଡିଟୋରିୟମରେ, ବୈଠକ, ବିଭିନ୍ନ କାର୍ଯ୍ୟକ୍ରମ ପରିବେଷଣ ପାଇଁ ମଞ୍ଚ ଓ ଦର୍ଶକ ଗ୍ୟାଲେରୀ ରହିଛି । ଏପଟେ ଆଜିର ଏହି କାର୍ଯ୍ୟକ୍ରମରେ ଢେଙ୍କାନାଳ ସାଂସଦ ମହେଶ ସାହୁ, ତାଳଚେର ବିଧାୟକ ବ୍ରଜ କିଶୋର ପ୍ରଧାନ, ପାଳଲହଡା ବିଧାୟକ ମୁକେଶ କୁମାର ପାଳ, ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏଙ୍କ ସମେତ ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀ ଯୋଗ ଦେଇଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
