ନୟାଗଡ଼: ବିଭିନ୍ନ ଦାବି ନେଇ ରାସ୍ତାକୁ ଓହ୍ଲାଇଲେ ଆଶାକର୍ମୀ । କାର୍ଯ୍ୟରତ ଆଶାକର୍ମୀଙ୍କୁ କୋରୋନା ଯୋଦ୍ଧା ମାନ୍ୟତା ସହ 50 ଲକ୍ଷ ଟଙ୍କାର ବୀମାଭୁକ୍ତ କରିବା, ମାସିକ 10 ହଜାର ଟଙ୍କା ପେନସନ, ସାମାଜିକ ସୁରକ୍ଷା ଏବଂ ମାସିକ 21 ହଜାର ଦରମା ପ୍ରଦାନ ଦାବି କରାଯାଇଛି l ବାରମ୍ବାର ଏନେଇ କେନ୍ଦ୍ର ଏବଂ ରାଜ୍ୟ ସରକାରଙ୍କୁ ଆଶାକର୍ମୀମାନେ ଦାବି କରିଆସୁଛନ୍ତି ହେଲେ ଉଭୟ ସରକାର କର୍ଣ୍ଣପାତ କରୁନାହାନ୍ତି ବୋଲି ଅଭିଯୋଗ ହୋଇଛି l ଏ ନେଇ ଆଶାକର୍ମୀମାନେ ନୟାଗଡ଼ ସିଡ଼ିଏମଓଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି l ଉଭୟ ସରକାର ଏଥିପ୍ରତି ତୁରନ୍ତ ପଦକ୍ଷେପ ଗ୍ରହଣ ନକଲେ କାର୍ଯ୍ୟବନ୍ଦ କରିବେ ବୋଲି ଚେତାବନୀ ଦେଇଛନ୍ତି ଆଶାକର୍ମୀ ।
ସୂଚନାଯୋଗ୍ୟ ଯେ,ଗତ 24 ତାରିଖରେ ସମାନ ଭାବେ ଆଶାକର୍ମୀମାନେ ନୟାଗଡ଼ରେ ବିକ୍ଷୋଭ ପ୍ରଦର୍ଶନ କରିଥିଲେ l ତେବେ କାର୍ଯ୍ୟାନୁଷ୍ଠାନ ନହେବା ଫଳରେ ପୁଣି ଥରେ ସେମାନେ ରାସ୍ତାକୁ ଓହ୍ଲାଇଛନ୍ତି । ଚଳିତଥର ପୁଣି ବିକ୍ଷୋଭ କରିବା ସହ ସେମାନେ ଦାବିପତ୍ର ମଧ୍ୟ ଦେଇଛନ୍ତି। ସରକାର ତୁରନ୍ତ ଏଥିରେ ହସ୍ତକ୍ଷେପ ନକେଲେ ସେମାନେ ଆନ୍ଦୋଳନକୁ ବ୍ୟାପକ କରାଯିବା ନେଇ ମଧ୍ୟ ସଂଘ ପକ୍ଷରୁ ଚେତାବନୀ ଦିଆଯାଇଛି । ଜିଲ୍ଲା ଆଶାକର୍ମୀ ସଂଘର ସଭାପତି ସୁରେଶ ସ୍ବାଇଁଙ୍କ ନେତୃତ୍ବରେ ଏକ ଟିମ ଜିଲ୍ଲାମୁଖ୍ୟ ଚିକିତ୍ସାଧିକାରୀଙ୍କୁ ଦାବିପତ୍ର ପ୍ରଦାନ କରିଛି।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
