ଅନୁଗୋଳ: ପଞ୍ଚାୟତ ନିର୍ବାଚନ ପାଇଁ ଜୋରଦାର ପ୍ରଚାର ଆରମ୍ଭ ହୋଇଯାଇଛି । ବିଭିନ୍ନ ରାଜନୈତିକ ଦଳ ପକ୍ଷରୁ ଗାଁ ଗାଁରେ ଚାଲିଛି ପ୍ରଚାର । ଏହି ପ୍ରରିପ୍ରେକ୍ଷୀରେ ଗୁରୁବାର ବିଜେପି ୨୬ ନମ୍ବର ଜିଲ୍ଲା ପରିଷଦ ଜୋନରେ ଜୋରଦାର ପ୍ରଚାର ଆରମ୍ଭ କରିଛି । ଏହି ଜୋନଟି ଛେଣ୍ଡିପଦା ବିଧାନସଭା ନିର୍ବାଚନ ମଣ୍ଡଳୀ ମଧ୍ୟରେ ଆସୁଥିବାରୁ ବିଜେପି ବିଧାୟକ ପ୍ରାର୍ଥୀ ଅଗସ୍ତି ବେହେରାଙ୍କ ତତ୍ତ୍ବାବଧାନରେ ଜିଲ୍ଲା ପରିଷଦ ପ୍ରାର୍ଥୀ, ସମିତି ସଭ୍ୟ ପ୍ରାର୍ଥୀ ଏବଂ ସରପଞ୍ଚ ପ୍ରାର୍ଥୀମାନେ ପ୍ରଚାର କରିଥିଲେ ।
Panchayat Poll: ନିଜ ସପକ୍ଷରେ ସମର୍ଥନ ଯୋଗାଡରେ ଲାଗିଛି ବିଜେପି
ବାଜା ବଜାଇ ଗାଁ ଗାଁ, ଘର ଘର ବୁଲି ଭୋଟର ମାନଙ୍କ ପାଖରେ ପହଞ୍ଚିଥିଲେ । ଭୋଟର ମାନଙ୍କ ପାଖେ ପହଞ୍ଚି ପ୍ରଚାର ପତ୍ର ବଣ୍ଟନ କରିଥିଲେ । ସରକାରଙ୍କ ବିଫଳତା ସମ୍ପର୍କରେ ଲୋକଙ୍କୁ ବୁଝାଇ ସେମାନଙ୍କୁ ଭୋଟ ଦେବାକୁ ବୁଝାଇଥିଲେ । ଦିନ ତମାମ ବିଜେପି ପକ୍ଷରୁ ଏହିଭଳି ପ୍ରଚାର ଅଭିଯାନ ଚାଲିଥିଲା । ଲୋକେ ଏଥର ତାଙ୍କ ସମର୍ଥନରେ ଭୋଟ ଦେବେ ବୋଲି ପ୍ରାର୍ଥୀମାନେ କହିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
