ଅନୁଗୋଳ: ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ନାବାଳିକା ଦୁଷ୍କର୍ମ ଘଟଣା । ତେବେ ଅନୁଗୋଳର ଯାଯାବର ନାବାଳିକା ଦୁଷ୍କର୍ମ ଘଟଣାରେ ମୁଖ୍ୟ ଅଭିଯୁକ୍ତ ଶିବୁ ପଟ୍ଟନାୟକକୁ ଗିରଫ କରିଛି ପୋଲିସ । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଅନୁଗୋଳ ଏସପି ।
ସହରର ଏହି ବହୁଚର୍ଚ୍ଚିତ ଯାଯାବର ନାବାଳିକା ଦୁଷ୍କର୍ମ ଘଟଣାରେ ମୁଖ୍ୟ ଅଭିଯୁକ୍ତ ଶିବୁକୁ ଗିରଫ କରିଛି ଅନୁଗୋଳ ପୋଲିସ । ଅଭିଯୁକ୍ତର ଘର ସହରର ଅମଲାପଡାରେ ବୋଲି ଜଣାପଡିଛି । ଗତ ରବିବାର ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର ହୋଇ ଗୁରୁତର ଅବସ୍ଥାରେ ଏବେ କଟକରେ ଚିକିତ୍ସାଧୀନ ଅଛନ୍ତି ନାବାଳିକା ।
ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଅନୁଗୋଳ ଏସପି । ଗତ ଶନିବାର ରାତିରେ ସହରର ମିଶନ ବଙ୍ଗଳା ପାଖରେ ପାଖରେ ରହୁଥିବା ଯାଯାବର ବସ୍ତିର ଜଣେ ନାବାଳିକାକୁ ଶିବୁ ଉଠାଇ ଆଣି ଦୁଷ୍କର୍ମ ପରେ ହତ୍ୟା କରିବାକୁ ଉଦ୍ୟମ କରିଥିଲା । ରକ୍ତ ଜୁଡୁବୁଡୁ ଅବସ୍ଥାରେ ରବିବାର ନାବାଳିକାକୁ ବସଷ୍ଟାଣ୍ଡ ପାଖ ଆହାର କେନ୍ଦ୍ର ନିକଟ ଏକ ପରିତ୍ୟକ୍ତ ସ୍ଥାନରୁ ଉଦ୍ଧାର କରାଯାଇଥିଲା । ଗୁରୁତର ଅବସ୍ଥାରେ ଏବେ ନାବଳିକା ଜଣକ କଟକରେ ଚିକିତ୍ସାଧୀନ ।
ଅନ୍ୟପଟେ ଘଟଣାର ଗୁରୁତ୍ବକୁ ନଜରରେ ରଖି ଆସନ୍ତା 15 ଦିନ ମଧ୍ୟରେ ପୋଲିସ ଚାର୍ଜସିଟ କରିବ ବୋଲି ଏସପି କହିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
